Charter Document - 00910101
| Charter Number: | 00910101 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1135 - 1152 |
| Date type: | Assigned |
| Resource Link(s): |
Bodleian Library - Christ Church MS 341 (f32r) |
Charter:
Gaufridus de Clintone Waltero archidiacono Oxenefordie et toti clero archidiaconatus eiusdem Oxenefordie salutem Sciatis me concessisse in perpetuam elemosinam ecclesie sancti Petri de Chersintona unam uirgatam terre in eadem Chersintona quam Willelmus de Clintone patruus meus eidem ecclesie dedit pro restauratione turris ipsius ecclesie quam propter imminentia et suspecta sibi pericula deiecit Uerum quia prefate uirgate crofta deerat ad supplementum ipsius duas acras terre cum pastura adiacente in dominica cultura sua de Batemora iuxta domum Eliard scilicet a uia que uadit prope domum Lefwini Turple usque ad riuum de Batemora qui diuidit territorium Chersintone ab Wrtona isdem Willelmus eidem ecclesie donauit Quare uolo et firmiter constituo ut hec donatio prefate ecclesie rata permaneat et Rogerus eiusdem ecclesie presens persona ac reliqui eius in ordine successores supradictam uirgatam cum supplemento duarum acrarum et pasture liberam solutam et quietam ab omni seruicio consuetudine et exactione seculari in perpetuum possideant Huius uero concessionis testes sunt Agnes uxor mea Willelmus de Plan Osbertus de Clint[one] Robertus de Curl et Willelmus frater eius