Charter Document - 00910088
| Charter Number: | 00910088 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1179 - 1190 |
| Date type: | Assigned |
| Resource Link(s): |
Bodleian Library - Christ Church MS 341 (f29v) |
Charter:
Notum sit tam presentibus quam futuris quod ego Walterius de Calz concessi et hac presenti carta mea confirmaui deo et sancte Marie de Egnesham et monachis ibidem deo seruientibus donationem quam Radulfus de Cheisnei eis fecit uidelicet duas hidas terre et dimidiam que de pheudo meo sunt unam scilicet in Wealde et unam et dimidiam in Eston et unam piscariam in Eston quam Luuel tenuit quas predictas Radulfus de Cheisnei et heredes sui de me et de heredibus meis tenere debuerunt pro xv solidis annuatim soluendis pro omni seruicio unde cartam meam habuit quam prefatis monachis de Egnesham reddidit tenendas de me et de heredibus meis bene et in pace et honorifice libere et quiete pro predicto seruicio xv solidorum michi et heredibus meis annuatim persoluendo pro omni seruicio duobus terminis uidelicet vii sol et vi d in festo sancti Michaelis et vii sol et vi d in Pascha sicuti carta sepedicti Radulfi de Cheisnei testatur qui iam dictam terram eis in elemosinam contulit et eis inde cartam suam fecit Et pro hac concessione et confirmatione Godefridus abbas eiusdem loci et monachi dederunt michi duas marcas argenti His testibus Radulfo nepote abbatis magistro Iohanne medico Henrico Banastre Willelmo Blundo Godefrido de Benefeld Willelmo de Cocham Roberto de Lullebroch