Charter Document - 00910087
| Charter Number: | 00910087 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1179 - 1190 |
| Date type: | Assigned |
| Resource Link(s): |
Bodleian Library - Christ Church MS 341 (f29r) |
Charter:
Radulfus de Cheisnei omnibus tam anglicis quam francis ad quos presens scriptum peruenerit salutem Sciatis me dedisse et concessisse pro salute animarum patris et matris et antecessorum meorum et mee et uxoris mee et omnium parentum meorum deo et sancte Marie de Egnesham et monachis ibidem deo seruientibus in perpetuam elemosinam duas hidas terre et dimidiam unam in Wealde unam et dimidiam in Eston quas fine belli in curia domini regis contra Walterum de Chauz adquisiui et unam piscariam in Eston quam Luuel tenuit liberas et quietas ab omni seruicio sicut elemosinam decet exceptis xv solidis annuatim persoluendis predicto Waltero de Cauz pro omnibus seruiciis duobus terminis uidelicet vii solidis et vi d in festo Sancti Michaelis et vii solidis et vi d in Pascha sed prefatam dimidiam hidam in Eston dedi Roberto de Calz famulo meo et heredibus suis pro seruicio suo quam amodo de monachis de Egnesham tenebit reddendo eis singulis annis tres solidos Ut autem hec donatio mea in perpetuum firma et rata perseueret eam presentis scripti attestatione et sigilli mei appositione corroboraui Hiis testibus Willelmo fratre meo Gill[eberto] Pipard Roberto de Witefeld Roberto de Amari Roberto filio Radulfi