Charter Document - 00910076
| Charter Number: | 00910076 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1163 |
| Date type: | Assigned |
| Resource Link(s): |
Bodleian Library - Christ Church MS 341 (f27v) |
Charter:
Notum sit tam presentibus quam futuris quod ego Henricus de Oili constabularius domini regis pro salute anime mee omniumque antecessorum meorum et propinquiorum dedi et concessi et presenti carta mea confirmaui deo et monachis ecclesie de Egnesham dimidiam hidam terre in Sefewella quam pater meus eis ante donauerat et concesserat cum eisdem libertatibus et liberis consuetudinibus quas pater meus eisdem concesserat scilicet ut predictam dimidiam hidam terre predicti monachi bene et in pace et honorifice in bosco et in plano in campis et pasturis et pratis solidam et quietam et ab omnibus exactionibus et secularibus consuetudinibus et seruiciis forinsecis liberam in perpetuam elemosinam teneant quoniam ego illam dimidiam hidam terre in omnibus manutenebo et contra omnes homines defendam Et pro huius concessione libertatis Godefridus abbas prefate ecclesie donauit michi unum palefridum optimum His testibus Radulfo filio Rogeri Bardulfo fratre eius Willelmo de Stratforde et multis aliis