Charter Document - 00910061
| Charter Number: | 00910061 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1152 - 1163 |
| Date type: | Assigned |
| Resource Link(s): |
Bodleian Library - Christ Church MS 341 (f25r) |
Charter:
Notum sit uniuersitati presentium et futurorum quod ego Godefridus dei gracia abbas Egneshamnensis ecclesie totusque conuentus concessimus terram de Colestona que est in uilla de Nipebold quam Radulfus Basset dedit deo et ecclesie nostre in perpetuam elemosinam priori et conuentui et ecclesie sancti Iohannis Baptiste de Landa de nobis in perpetuum tenendam libere et quiete pro x annuis solidis et olla ferrea singulis annis in Pascha reddendis et ita quod idem conuentus de Landa nulla arte uel ingenio prescriptum censum in predicto termino reddendum minuere presumet uerbo ueritatis interposito Hanc igitur conuentionem ita factam et ita tenendam concedimus et contestamur et ne in posterum qualibet ex parte aliqua super hoc oriatur dissensio hanc eis inde cartam tradimus sigilli ecclesie nostre impressione munitam cuius rescriptum penes nos habetur Huius etiam conuentionis predicte elemosine aduocatus Radulfus Basset et fideiussor existit et heredes sui post ipsum sigillo eius in testimonium et munimentum huic cartule appenso