Charter Document - 00910060
| Charter Number: | 00910060 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1161 |
| Date type: | Assigned |
| Resource Link(s): |
Bodleian Library - Christ Church MS 341 (f25r) |
Charter:
Reginaldus de Sancto Walerico omnibus hominibus suis francis et anglis salutem Sciant presentes et futuri quod ego dedi et concessi ecclesie sancte Marie de Egnesham et monachis ibidem deo seruientibus in perpetuam elemosinam ecclesiam de Tetteberia cum omnibus pertinentiis suis et libertatibus pro salute Henrici regis et A[leanore] regine Anglie et pro liberorum suorum et pro salute mea et Bernardi filii mei et pro animabus patris et matris mee et antecessorum et benefactorum meorum Concedo etiam predicte ecclesie sancte Marie de Egnesham terram de Finestoches cum omnibus pertinentiis suis habere de me et de heredibus meis libere et quiete et in pace sicut Radulfus Basset predicte ecclesie illam predictam terram dedit et concessit de qua concessione predicte terre de Finestoches quam ego Reginaldus de Sancto Walerico concessi predicte ecclesie sancte Marie de Egnesham sicut Radulfus Basset dedit predicte ecclesie et concessit Godefridus abbas de Egnesham et conuentus dederunt michi x marcas argenti et Bernardo filio meo duas marcas argenti Testibus Roberto capellano Reginaldo de Sircampo Waltero de Blia Radulfo Hareng