Charter Document - 00910059
| Charter Number: | 00910059 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1144 - 1163 |
| Date type: | Assigned |
| Resource Link(s): |
Bodleian Library - Christ Church MS 341 (f24v) |
Charter:
Radulfus Basset filius Ricardi Basset omnibus hominibus suis et uniuersis sancte ecclesie fidelibus tam futuris quam presentibus salutem Sciatis me concessisse et dedisse deo et ecclesie sancte Marie de Egnesham in perpetuam elemosinam illam terram quam Radulfus Basset auus meus iam pridem donauerat eidem ecclesie cum quodam puero quem ibidem monachum fecit scilicet terram de Niwebold que est de feodo de Colestona liberam et quietam ab omni seruitio seculari et contionem feci pro salute anime mee et Adel uxoris mee et natorum meorum et pro animabus patris et matris mee et omnium parentum et antecessorum meorum Quare uolo et firmiter constituo ut predicta ecclesia et monachi prefatam elemosinam libere et quiete et honorifice teneant cum omnibus pertinentiis et libertatibus suis in pratis et pascuis in bosco et in plano et in aquis Huius concessionis sunt testes Ricardus abbas Legrec[estrie] Robertus frater eius Adel uxor mea Thomas de Sais et Willelmus et Robertus filii eius Geru[asius] filius Ricardi Adam filius Radulfi Willelmus de Uilers Willelmus filius Ailmari Hugo canonicus de Landa Iordanus de Colleia Willelmus de Benefelde Walterus de Terrauuasta Gill[ebertus] Marescallus Robertus de Mucheltone Rogerus de Sunnu[n]done