Charter Document - 00910056
| Charter Number: | 00910056 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1186 - 1192 |
| Date type: | Assigned |
| Resource Link(s): |
Bodleian Library - Christ Church MS 341 (f24r) |
Charter:
Ricardus uice archidiaconus Oxenefordie omnibus decanis personis presbiteris et uniuerso clero per archidiaconatum Oxenefordie constituto salutem in domino Ad uniuersitatis uestre noticiam uolumus peruenire quod cartam nobilis uiri Alani filii G de Estona inspeximus ex cuius inspectione et proborum uirorum fide dignorum assertione nobis indubitanter innotuit quod iam dictus Alanus filius G de Estona quatuor marcas argenti annuas in ecclesia de Estona saluo iure patronatus in eadem ecclesia sibi et heredibus suis deo et sancte Marie et monachis de Egnesham in perpetuam elemosinam concessit Ut igitur concessio eiusdem per diuturniora tempora in sua firmitate permaneat nec alicuius malignitate in posterum perturbetur auctoritate a domino I[ohanne] de Constantiis archidiacono Oxenefordie nobis indulta dum moratur in scolis presenti scripto et sigilli nostri appositione corroborauimus Testibus Martino presbitero Adam de Walingefordia Gilleberto Grando Henrico Banastre Willelmo Blundo Radulfo clerico Roberto scriptore et multis aliis