Charter Document - 00910047
| Charter Number: | 00910047 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Extent of Lands |
| Date: | 1178 - 1186 |
| Date type: | Assigned |
| Resource Link(s): |
Bodleian Library - Christ Church MS 341 (f22v) |
Charter:
Uniuersis sancte matris ecclesie filiis G dei gracia Lundoniensis episcopus salutem in domino Uniuersitati uestre notificamus causam que inter fratres Ierosolimitani Hospita[lis] et abbatem de Egnesham et priorem de Dunstaple super ecclesia de Merstona uertebatur a domino pape nobis delegatam in presentia nostra amicabili compositione in parte hoc modo conquieuisse Partibus siquidem in presentia nostra die sibi prefixa constitutis cum iam dictus abbas et prior de Dunstaple prefate ecclesie pro equis partibus se assererent possessores seque iam dictis fratribus obicerent aduersarios post multas partium allegationes iam dictus abbas medietatem ecclesie prenominate in manus nostras libere et absolute resignauit ipsis fratribus assignandam et concedendam Nos itaque auctoritate apostolica in iam dictam medietatem sepedictos fratres suscepimus eosque in ea debita cum sollempnitate instituimus Predicti uero fratres ipsi abbati et ecclesie de Egnesham [redditum] unius marce in Oxenefordia perpetuo iure et libere et inconcusse tenendum dederunt et concesserunt hac quidem adiecta conditione si prior de Dunestaple aduersus sepedictos fratres supra memoratam medietatem petierit et si in causa optinuerit ecclesia de Egnesham prefatum unius marce redditum non amittet Hoc etiam in conuentione adiectum est quod si sepe dictus abbas de Egnesham redditum illum per potentiam alicuius aut aliqua ui maiore amiserit predicti fratres de Hospitali alibi tantundem redditus et dabunt et concedent Hanc conuentionem quia ratam et inconuulsam perpetuo manere uolumus presenti scripto et sigilli nostri attestatione confirmare et communire decreuimus Testibus Roberto episcopo Herefordensi Radulfo archidiacono Colecestrie magistro Ricardo de Storteford magistro Henrico de Norhamton magistro Nicholao de Leuechenore Rogero de Wigornia Ricardo Banastr[e] Iohanne Witege Bartholomeo nepote abbatis