Charter Document - 00910044
| Charter Number: | 00910044 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1198 |
| Date type: | Assigned |
| Resource Link(s): |
Bodleian Library - Christ Church MS 341 (f21r) |
Charter:
Hubertus dei gracia Cantuariensis archiepiscopus tocius Anglie primas et apostolice sedis legatus omnibus sancte matris ecclesie filiis ad quos scriptum presens peruenerit eternam in domino salutem Cum ex officii nostri debito securitati et paci subiectorum nostrorum singulorum et omnium teneamur intendere circa illos et illorum possessiones in tranquillo statu conseruandas propensiorem duximus curam impendere qui se religionis uoto noscuntur artius obligasse Hinc est quod ad uniuersorum uolumus noticiam peruenire nos exemplo predecessorum nostrorum Ricardi et Baldwini quondam Cantuariensium archiepiscoporum qui uniuersa que dilecti filii monachi de Eisnesham rationabiliter et canonice eorum temporibus fuerant assecuti uel possent in posterum iustis modis adipisci in sua protectione suscepere et scriptis suis autenticis que inspeximus eisdem monachis in perpetuum confirmauere eadem omnia et insuper ea que autentico scripto uenerabilis fratris nostri Hugonis Lincolniensis episcopi quod inspeximus eisdem monachis rationabiliter sunt confirmata necnon omnia iustis modis in posterum ab eisdem adquirenda in dei et sancte Cantuariensis Ecclesie protectione et nostra suscepisse et presentis carte nostre munimine quantum in nobis est in perpetuum eisdem monachis confirmasse hec scilicet ecclesiam de Egnesham cum capellis suis ecclesiam de Stock[es] ecclesiam de Cherleberi cum pertinentiis suis ecclesiam de Tetteberia ecclesiam de Stantone ecclesiam de Leghes ecclesiam de Newent[one] ecclesiam de Merstona ecclesiam de Sulethorne ecclesiam de Meritona ecclesiam de Witefelde medietatem ecclesie de Eiforde ecclesiam de Corwelle ecclesiam de Bertona ecclesiam de Nortona ecclesiam sancte Ebbe in Oxenefordia cum pertinentiis suis et molendinum de Dailintone Ut igitur hec nostra confirmatio firma et stabilis in perpetuum perseueret eam sigilli nostri appositione et testium subscriptione testificari duximus et roborare Testibus Rann[ulfo] thesaurario Sar[esbiriensi] Galfrido de Boclande magistro Simone de Siwelle magistro Willelmo de Sumercotes magistro Willelmo de Neketone magistro Arist magistro Geruasio de Hobrug Simone de Camera
Source (click image below to view full size)
