Charter Document - 00910022
| Charter Number: | 00910022 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1193 |
| Date type: | Assigned |
| Resource Link(s): |
Bodleian Library - Christ Church MS 341 (f15v) |
Charter:
Omnibus Christi fidelibus ad quos presens scriptum peruenerit Hugo dei gratia Lincolniensis episcopus salutem in domino Ne ea que locis religiosis fidelium deuotione collata sunt possint alicuius malignitate in irritum reuocari satis competenter et discrete prouisum est a predecessoribus et patribus nostris donationes fidelium in scripta autentica redigere Nos itaque hanc sequentes prouidentiam ea que monasterio de Egnesham et dilectis filiis monachis in eodem monasterio ministrantibus et ministraturis in puram et perpetuam elemosinam collata sunt ecclesiastica beneficia in episcopatu nostro constituta duximus propriis uocabulis exprimere et presenti scripto eis confirmare uidelicet ecclesiam sancte ebbe in Oxenefordia cum pertinentiis suis ex dono Iohannis de Sancto Iohanne ecclesiam de Stantona ex dono Dauid regis Scotie ecclesiam de Meritona ex dono Iordani de Sai ecclesiam de Sulethorne ex dono Hugonis de Cheisn[ei] ecclesiam de Newentone ex dono Alexandri de Bertona ecclesiam de Bertona ex dono Petri de Mara medietatem ecclesie de Heiforde ex dono Walchelini Hareng ecclesiam de Nortona ex dono Stephani de Punsold et Alicie uxoris sue ecclesiam de Cornwell ecclesias etiam que in dominicis uillis abbatie de Egnesham site sunt uidelicet ecclesiam de Egnesham cum capellis suis ecclesiam de Stoch ecclesiam de Cherleberia Uolumus igitur et precipimus ut ecclesia de Egnesham et monachi ibidem deo seruientes predicta beneficia libere et quiete sicut eis rationabiliter concessa sunt in perpetuum possideant saluis in omnibus episcopalibus consuetudinibus et Lincolniensis ecclesie dignitate His testibus Hamone decano Linc Stephano cancellario Herberto priore de Sancto Neoto magistro Rogero de Roluestone magistro Simone de Suwella magistro Ricardo de Swalecliue
Source (click image below to view full size)
