Charter Document - 00910019
| Charter Number: | 00910019 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1093 - 1123 |
| Date type: | Assigned |
| Resource Link(s): |
Bodleian Library - Christ Church MS 341 (f15r) |
Charter:
Robertas episcopus Lincolniensis clero et populo de Oxenefordia salutem et benedictionem Notum sit uobis me consecrasse ecclesiam de Chersintone in honore sancti Petri quam Gaufridus de Glimtona regis Camerarius fecit in feodo suo et in parochia sancte Marie de Egnesham Et hoc fecit meo concessu et precatu abbatis et conuentus eiusdem ecclesie Hac conuentione Gaufridus Camerarius dedit unam uirgatam terre liberam et quietam ab omni consuetudine et seruitio in his que ad eum pertinent ecclesie de Chersintone et totam decimam suam eiusdem uille de annona et pecudibus Et abbas ex parte sua concessit eidem ecclesie totam suam decimam quam habebat in Chersintone et in Wrtona et abbas retinuit in manu sua ecclesie de Egnesham mortuos de Chersintone et de duobus festis sancti Petri medietatem oblationis Et quamdiu predictus Camerarius uel familia eius erit in Kersintone presbiter eiusdem uille habebit dimidiam partem oblationis de familia et domo eius contra capellanos ipsius Camerarii Et abbas mittet ibi presbiterum sicut in sua dominica ecclesia consideratione et consilio Gaufridi et archidiaconi