Charter Document - 00910007
| Charter Number: | 00910007 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1109 |
| Date type: | Internal, A.D., Feast, Regnal |
| Resource Link(s): |
Bodleian Library - Christ Church MS 341 (f12v) |
Charter:
In nomine sancte et indiuidue Trinitatis patris et filii et spiritus sancti Ego Henricus Rex Anglorum assensu et consilio pontificum et baronum meorum abbatiam de Egnesham scilicet ecclesiam Christi et beatissime dei genitricis Marie hactenus desolatam et dissipatam redintegrare et confirmare pro salute anime patris et matris et fratris mei Willelmi et pro salute mea et coniugis et natorum meorum decreui et omnia que ad eam pertinent iure perpetuo ecclesiastico more possidere eam constitui scilicet uillam de Egnesham et omnia que ad eam pertinent in pratis et agris et siluis et Rollendrith et quicquid ad eam pertinet et Scipford similiter et in Gloecestrascira Mucletonam et omnia que ad eam pertinent et in Oxeneford ecclesiam Sancte Ebbe et omnia que ad eam pertinent et duos molendinos iuxta Oxeneford et prata et Erdintonam et quicquid Robertus Lincolniensis episcopus dedit pro commutatione Niwerche et Stowe scilicet Cherleb[er]iam ita solidam et quietam ut episcopus Robertus tenuit in siluis et pratis et agris et aquis similiter Stoches et quicquid ad eam pertinet similiter Wdecote cum silua que ad eam pertinet et in Cantebriggescyra in Histona xv hidas et tres uirgatas et decimam de Thama scilicet in annona in pecudibus et lana et caseis et unum bordarium cum duabus acris similiter decimam de Banneberia et de Cropperia cum bordariis similiter Mideltone decimam similiter decimam cere altaris de Stou Concedo etiam predicte ecclesie omnia que fideles mei pro salute animarum suarum dederunt et dabunt Nigellus de Oleio tenebat unam hidam terre ab ecclesia Egneshamnensi quam ipse clamauit quietam et solutam predicte ecclesie pro anima sua concessu Roberti Lincolniensis episcopi in qua etiam misit unum monachum et cum eo xl solidatas terre scilicet tres hidas et dimidiam in Mildecumba tam pro sua quam pro uxoris sue et filiorum animabus Ricardus de Graio misit unum filium suum in eodem monasterio et cum eo decimam de Derneford et de Wideli et de Corneuuella omnium scilicet illorum que ad easdem uillas pertinent tam de annona quam de lana et caseis et de ceteris pecuniis Rogerius de Cheisnet dedit pro anima sua eidem ecclesie decimam terre sue de Ministre et de tota lana sua de Oxenefordscyra Gillebertus Basset dedit similiter eidem ecclesie decimam suam de Strattona scilicet duas partes et de tota lana sua et caseis suis de tota terra sua Radulfus Basset dedit similiter eidem ecclesie decimam suam de una hida de Estelai et de tota lana sua ubicumque aliquid inde habet Robertus filius Walchelini dedit similiter eidem ecclesie totam decimam suam de Wicheham Gosfridus de Cropperi dedit duas partes decime sue Ricardus de Newercha duas partes decime sue dedit de Cleindona Willelmus filius Nigelli unam domum apud Oxeneford dedit Hardingus de Oxeneford qui in Ier[usa]lem iuit et ibi mortuus est duas domos apud Oxeneford dedit unam intra burgum aliam extra Gillebertus de Dameri unam domum dedit extra burgum excepta consuetudine regis Willelmus filius Bernardi decimam suam dedit eidem ecclesie Hec autem abbatia tota est in manu et potestate Lincolniensis episcopi constituendi abbatem canonice assensu et consilio regis Hec autem omnia suprascripta eidem ecclesie uel abbatie concedo et confirmo tenenda in perpetuum regali auctoritate sicut ulla abbatia melius tenet in tota Anglia Hoc autem confirmatum est anno ab incarnatione domini MC nono anno uero Henrici Regis decimo apud Westmonasterium in natiuitate Domini