Charter Document - 00901344
| Charter Number: | 00901344 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Surrender |
| Date: | 1310 - 1311 |
| Date type: | Assigned |
| Resource Link(s): |
|
Charter:
Uniuersis Christi fidelibus ad quorum notitiam hoc presens scriptum peruenerit Ricardus de Wetenhale et Petrus filius eiusdem Ricardi salutem in Domino sempiternam Nouerit uniuersitas vestra quod cum inter religiosos viros dominum Thomam abbatem sancte Werburge Cestrensis et eiusdem loci conuentum ex parte vna et nos dictos Ricardum et Petrum de Wetenhale ex altera mota esset [contentio] de quarta parte vasti bruere pasture turbarie et bosci ville de Tidelistan Nos dicti Ricardus et Petrus bene perpendentes et manifeste cognoscentes nos in dicta villa esse tenentes dictorum abbatis et conuentus de certis terris et tenementis que de eis tenemus per certa seruitia eisdem religiosis annuatim facienda et dominium seu propartem dominii aliqualis ibidem de vastis brueris pasturis turbariis seu boscis dicte ville habere nullimodum remisimus et omnino quietum clamauimus de nobis et heredibus nostris inperpetuum dictis Abbati et conuentui et eorum successoribus inperpetuum totum ius et clameum quod habuimus vel aliquo modo habere potuimus in dominio et proprietate seu parce[na]ria vastorum bruerarum pasturarum turbariarum et boscorum totius predicte ville de Tidelistan salua nobis et heredibus nostris communa turbarie videlicet Reptorf in [mora] predicte ville de Tidelistan per visum et liberationem balliui dictorum religiosorum qui pro tempore fuerit pro nouem astris tenentium nostrorum in dicta villa residentium cum libero introitu et exitu capiende et asportanda absque donatione vel vendicacione Ita quod si dictus balliuus qui pro tempore fuerit liberationem dicte turbarie post [racionabilem] premunitionem sibi factam dictis tenentibus facere distulerit tunc bene liceat dictis tenentibus vel eorum cuicumque licite et sine calumpnia turbariam predictam absque visu et liberatione capere et asportare salua eciam nobis et heredibus nostris communa pasture in predictis tenementis secundum quantitatem [terrarum] et ten[ementorum] que de eis tenemus in dicta villa inperpetuum Quare volumus et concedimus quod nos et heredes nostri ab omni iure et actione de predicta q[uarta parte et] dominio dicte ville vt in vastis brueris pasturis turbariis et boscis predictis sumus extranei et exclusi inperpetuum saluis nobis et heredibus nostris predictis [communis] turbarie et pasture sicut predictum est Et saluis nobis libero chimino ad molendinum nostrum ibidem et terra et terrici dio pro stagno dicti molendini reparando sicut nos et antecessores nostri capere et habere solebamus In cuius rei testimonium hiis scriptis indentatis tam sigilla dictorum abbatis et conuentus quam sigilla nostra vtrobique sunt appensa hiis testibus domino Pagano Tibot tunc Justiciario Cestrie dominis Johanne de Ardena et [Roberto] de Pulford militibus Ricardo de Fouleshurste tunc vicecomite Cestrascire Johanne de Legh Willelmo de Modburlegh Willelmo de Bulkel[egh] et multis aliis
Source (click image below to view full size)
