Charter Document - 00901343
| Charter Number: | 00901343 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1275 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia rex Anglie dominus Hibernie dux Aquitanie omnibus ad quos presentes littere peruenerint salutem Sciatis quod nos concessimus pro nobis et heredibus nostris dilectis nobis in Christo abbati et conuentui sancte Wereburge Cestrensis quod murum uille Cestrie contiguum abbatie sue penetrare et quamdam gutteriam transeuntem ab abbatia predicta per medium muri predicti usque in ortum eiusdem abbatie facere possint et gutteriam illam sic factam habeant et teneant sibi et successoribus suis inperpetuum sine contradictione uel impedimento nostrum et heredum uel ministrorum nostrorum ita quod murum predictum taliter reparari faciant quod dampnum seu periculum nobis seu uille predicte non immineat occasione guttere supradicte In cuius rei testimonium has litteras nostras fieri fecimus patentes Teste meipso apud Teruyn decimo die Septembris anno regni nostri tercio
Source (click image below to view full size)
