Charter Document - 00901310
| Charter Number: | 00901310 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 - 1208 |
| Date type: | Assigned |
| Resource Link(s): |
|
Charter:
Godfridus Dei gratia abbas Cestrie totusque eiusdem loci conuentus omnibus sancte matris ecclesie filiis presentibus et futuris salutem in eo qui salutis est auctor Nouerit uniuersitas vestra nos dedisse et concessisse Willelmo filio Walteri de Rodestor totam terram que inter has diuisas continetur scilicet a crucibus Rogeri usque ad charreram bladi sacerdotis et a Stretleh usque ad lacum qui est ab opposito illi et heredibus suis tenendam et habendam de nobis in feodo et hereditate libere et quiete reddendo annuatim abbatie sancte Werburge et nobis unam libram cumini uel duos denarios in festo sancte Werburge in estate pro omni seruicio et exaccione qualibet Ita quod ei liceat quemcumque voluerit sibi successorem hereditarium instituere Et ne ulla super hoc in posterum emergat ambiguitas id presentis scripti nostri munimine cum sigilli nostri impressione dignum duximus communire Testibus Willelmo filio Duning magistro Hugone Johanne clerico de sancte Marie ecclesia Roberto filio Pigot Petro clerico comitis Ricardo de Rod[estorn] clerico Ricardo clerico domini abbatis Anketill de Abbatia et multis aliis
Source (click image below to view full size)
