Charter Document - 00901111
| Charter Number: | 00901111 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1215 - 1223 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit W[illelmus] permissione diuina Couintrensis episcopus salutem in Domino Attendentes honestatem religionis dilectorum filiorum H[ugonis] abbatis et conuentus sancte Wereburge Cestrie et bona que ibidem fiunt omnes decimas et fructus quascumque de ecclesia sua de Sotewic tempore bone memorie G[alfridi] predecessoris nostri et nostro perceperunt concedimus eis diuini amoris intuitu inposterum percipiendas et in usus proprios conuertendas ad sustentationem domus sue hospitalitatis Et ut hec nostra concessio perpetue firmitatis robor obtineat ipsam presenti scripto sub multorum testimonio communimus Hiis testibus Willelmo decano de Tamewrth magistro Radulpho de Maidenestan magistro Roberto de Sandon Alexandro de Swereford Willelmo de Hathfeld Simone de sancto Licio Simone de Neuell Roberto de Marisco et multis aliis
Source (click image below to view full size)
