Charter Document - 00900349
| Charter Number: | 00900349 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1153 |
| Date type: | Assigned |
| Resource Link(s): |
|
Charter:
Rannulphus comes Cestrie episcopo Cestrie archidiacono omnibusque sancte ecclesie filiis necnon et constabulario dapifero iusticiariis baronibus vicecomitibus ministris et baliuis et omnibus hominibus et amicis suis salutem Nostis quidem [] quanta mala feci rebus sancte Werburge quorum omnium in fine penitenciam agens dedi Deo et sancte Werburge pro salute anime mee et pro satisfaccione omnium malorum predicte ecclesie a me illatorum Estham et Brumburg in perpetuam elemosinam cum cunctis suis adiacenciis in hominibus in ecclesiis et terris in aquis et piscacionibus in siluis et omnibus consuetudinibus sicut ego habui eas die qua ego fui viuus et mortuus Quapropter volo et firmiter cunctis meis super fidem mihi debitam precipio ut hec mea elemosina pro salute et absolucione mea data sit sicut decet ab omni re soluta et libera et si quisque vestrum siue heres siue alius diminuerit eam in aliquo ipse Deus eum diminuat destruat et destructum cum diabolo condemnet Testibus Waltero episcopo Willelmo abbate Rademore [Roberto priore de Calke] Johanne capellano Eustachio filio Johannis Symone filio Willelmi [Willelmo de Greille] Ricardo pincerna Hugone accipite Roberto de Buscheruile Roberto filio Hugonis Symone filio Osberni apud Gresel
Source (click image below to view full size)
