Charter Document - 00900114
| Charter Number: | 00900114 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 - 1223 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presentes littere peruenerint frater G[alfridus] humilis prior et conuentus Couentrensis monasterii eternam in Domino salutem Iustis religiosorum profectibus pio congaudentes affectu concessionem et appropriacionem quam venerabilis pater W[illelmus] Dei gracia Couentrensis episcopus dilectis et familiaribus amicis nostris abbati et conuentui sancte Werburge Cestrensis fecit in ecclesia de Nestona cum omnibus pertinenciis suis et ecclesia de Prestebur[ia] cum capellis et aliis suis pertinenciis necnon et in ecclesia de Brunburch cum capella de Estham et altaragio parochiali ecclesie sue conuentualis cum omnibus ad illud pertinentibus scilicet cum capellis de Bruwario et de Wireuen et earundem pertinenciis sicut in cartis domini W[illelmi] episcopi Couentrensis prenominati continetur ratam habemus et auctoritate ecclesie nostre que super omnes ecclesias Couentrensis dioecesis mater est et magistra prefatas concessiones et appropriaciones dictis abbati et conuentui confirmamus In cuius rei testimonium presens scriptum sigillo nostro munitum eis duximus conferendum
Source (click image below to view full size)
