Charter Document - 00900104
| Charter Number: | 00900104 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1214 - 1222 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum peruenerit Radulfus de Neuill decanus Lichiffeldensis et eiusdem loci capitulum salutem in salutis auctore Concessionem bone memorie R[icardi] predecessoris nostri super donacione et appropriacione ecclesie de Neston cum omnibus pertinenciis suis dilectis amicis in Christo abbati et conuentui sancte Werburge de Cestria factam sicut in carta eiusdem continetur concessiones etiam et appropriaciones ecclesie de Prestebur cum capellis et omnibus aliis pertinenciis suis et ecclesie de Brunbrock cum capella de Hestham et omnibus aliis suis a uenerabili patre nostro W[illelmo] Conuentrensi episcopo eisdem factas sicut in eiusdem cartis continetur ratas et gratas habemus et eas presenti scripto nostro confirmamus Et ut hec nostra confirmacio robur et firmitatem optineat perpetuam eam sigilli nostri apposicione duximus roborandum Hiis testibus magistro Johanne Blundo magistro Nicholao de Weston magistro Roberti de Sandon Willelmi de Brai W de Andesacre magistro Zacharia Willelmo de Hatfeld Radulfo clerico Johanne de Giuges et multis aliis
Source (click image below to view full size)
