Charter Document - 00900069
| Charter Number: | 00900069 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1237 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus seruus seruorum Dei dilectis filiis abbati et conuentui Cestrie ordinis sancti Benedicti Couentrensis dioecesis salutem et apostolicam benediccionem Sacrosancta Romana ecclesia devotionem humilium filiorum ex assuete pietatis officio perpense diligere consueuit et ne prauorum hominum molestiis agitentur eos tanquam pia mater sue proteccionis munimine consolere Quapropter dilecti in Domino fili nostri iustis postulacionibus grato concurrentes assensu personas vestras et locum in quo diuino estis obsequio mancipati cum omnibus bonis que in presentiarum racionabiliter possidetis aut in futurum iustis modis [prestante Domino] poteritis adipisci sub beati Petri et nostra proteccione suscipimus specialiter autem de Prestbury de Bruera de Neston de Eastham de Brumbrough et de Kirkby ecclesias cum pertinenciis suis possessionibus terris et alia bona vestra sicut ea omnia iuste et pacifice possidetis vobis et per vos virtute nostri auctoritatis apostolice confirmamus et presenti scripti patrocinio communimus Nulli ergo omnino hominum liceat hanc paginam nostre proteccionis et confirmacionis infringere vel ausu temerario contraire Si quis autem hoc attemptare presumpserit indignacionem omnipotentis Dei et beatorum Petri et Pauli apostolorum eius se nouerit incursurum Datum Viterbii vi kalendas Aprilis pontificatus nostri anno xi
Source (click image below to view full size)
