Charter Document - 00900061

Clemens episcopus seruus seruorum Dei dilectis filiis Roberto abbati sancte Werburge Cestrie eiusdemque fratribus tam presentibus quam futuris regularem vitam professis in perpetuum Quociens ideo a nobis expetitur quod religioni et honestati conuenire videtur animo nos decet libenti concedere et petencium desideriis congruum suffragium impertiri Ea propter dilecti in Domino filii vestris iustis postulacionibus clementer annuimus et prefatam ecclesiam in qua diuino mancipati estis obsequio sub beati Petri et nostra proteccione suscipimus et presentis scripti priuilegio communimus In primis siquidem statuentes ut ordo monasticus qui secundum Dei timorem et beati Benedicti regulam in eadem ecclesia nascitur institutus perpetuis ibidem temporibus inuiolabiliter obseruetur Preterea quascunque possessiones quecunque bona eadem ecclesia in presenciarum iuste et canonice possidet aut in futurum concessione pontificum largicione regum aut oblacione fidelium seu aliis iustis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis nundinas sancte Werburge sicut continetur in cartis donatorum decimas redituum ciuitatis Cestrie decimas omnium piscium qui capiuntur in Dee Ynes et eius ecclesiam Salghton et ecclesiam de Bruera Huntindon Cheueley Sutton Bochton Wiruena Crocton Trocford dimidium Rabi terciam partem de Saluhale Idinchale Sottewic et eius ecclesiam Irrebi in Maltebi terram x boum et unum molendinum Weston et eius ecclesiam Eston et eius ecclesiam et decimam de omnibus rebus unde decima debet dari de dominio in hiis maneriis Heton Frodesham Weuerham Lech Roucestre Hawardin Colshulle Campeden et de Frodesham decimam piscium piscatoriarum et decimam de piscatoria de Heton ecclesiam de Daneford cum omnibus pertinenciis suis ecclesiam de Estham ecclesiam de Neston ecclesiam de Eston in Derbisiria et decimam de molendino et de dominio de omnibus rebus unde decima dari debet Witebi et ecclesiam de Tatenhale unam salinam in Wico ecclesiam de Cristelton molendinum de Staneford et cotham Ordrici ecclesiam de Cotinton Cruwe et capellam de Wauerton Brocton Radecliuam Tiduluestan Grauesby Cnoctyrum et dona omnia que Hugo comes fundator loci illius et heredes sui concesserunt et cartis suis confirmauerunt Sane noualium vestrorum que propriis manibus ac sumptibus colitis siue de nutrimentis vestrorum animalium nullus a vobis omnino exigere decimas uel extorquere presumat Statuimus etiam ut nulli episcoporum uel ministris eorum indebitas aut iniustas exacciones in ecclesiis et terris vestris liceat exercere Liceat quoque vobis seu fratribus vestris in ecclesiis presbiteros eligere ita tamen ut ab episcopis uel episcoporum vicariis animarum curam absque venalitate suscipiant quam si committere illi quod absit ex prauitate noluerint tunc presbiteri ex apostolice sedis benignitate officia celebrandi licenciam consequantur Chrisma vero oleum sanctum consecraciones altarium seu basilicarum ordinaciones clericorum qui ad sacros ordines fuerint promouendi a dioecesano suscipiatis episcopo siquidem catholicus fuerit et graciam atque communionem apostolice sedis habuerit et ea gratis et absque prauitate vobis voluerit exhibere Alioquin liceat vobis catholicum quem malueritis adire antistitem qui nimirum nostra fultus auctoritate quod postulatur indulgeat Preterea cum generale interdictum fuerit liceat vobis in ecclesia vestra exclusis excommunicatis et interdictis non pulsatis campanis suppressa voce diuina officia celebrare Sepulturam quoque loci illius liberam esse decreuimus ut eorum deuocioni et extreme voluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumentur Obeunte uero te nunc eiusdem loci abbate uel tuorum quolibet successorum nullus ibi qualibet surrepcionis astucia seu violencia preponatur nisi quem fratres communi assensu uel fratrum pars consilii sanioris secundum Deum et beati Benedicti regulam prouiderint eligendum atque ad eum ordinandum qualiscunque illis placuerit episcopus aduocetur Prohibemus autem ut nulli fratrum vestrorum post factam in eodem loco professionem liceat absque abbatis licencia de claustro discedere discedentem uero absque literarum communi caucione nullus audeat retinere Decreuimus ergo ut nulli omnino hominum liceat prefatam ecclesiam temere perturbare aut eius possessiones auferre vel ablata retinere minuere seu quibuslibet vexacionibus fatigare sed omnia integra conseruentur eorum pro quorum gubernacione ac sustentacione concessa sunt vsibus omnibus profutura salua sedis apostolice auctoritate et dioecesani episcopi canonica iusticia Si qua igitur in futurum ecclesiastica secularisque persona hanc nostre constitutionis paginam sciens contra eam temere venire temptauerit secundo tercioue commonita nisi reatum suum congrua satisfaccione correxerit potestatis honorisque sui dignitate careat reamque se iudicio existere de perpetrata iniquitate cognoscat et a sanctissimo corpore et sanguine Dei et Domini nostri aliena fiat atque in extremo examine districte ulcioni subiaceat