Charter Document - 00900055

Cum contencio fuisset exorta inter t[homam] abbatem Cestrie et Agnetem que fuit vxor domini Warini de Meynwaring et Willelmum filium domini w[illelmi] Trussel et Matildam vxorem dicti Willelmi filii dicti domini Willelmi filiam et heredem dicti Warini super quadam bruera iacente inter maneria de Estham Childerthornton et Wilaston a quadam via que vocatur Blakestret usque ad quamdam vallem versus Estham que vocatur iuxta intencionem dicti abbatis Esthamdale et secundum dictum dicte Agnete Mukeldale in latitudine et a quodam sichetto versus Childrethornton quod vocatur Bradesiche extendente se usque ad le Blakestrete et sic sequendo le Blakestrete usque Stokuuelsiche versus Haregraue in longitudine et sic sequendo le Stokuuelsiche usque predictam vallem et sic sequendo predictam vallem usque ad predictum sichetum de Bradesiche usque ad quam vallem et usque ad quam predictam viam et usque ad que predicta sicheta dissencio fuit bundarum et metarum inter dicta maneria inter partes predictas Tandem apud Cestriam die Iouis proxima post festum sancti Marci anno regni regis e[dwardi] filii regis h[enrici] xxx pro bono pacis et equitatis zelo cordiali ita partes predicte conuenerunt quod predicta bruera infra predictas metas et diuisas maneriorum dictorum diu contenciosa fideliter et legaliter mensuretur per acras et rodas et alias suas particulas omnimodas et quod secundum illam mensuracionem particio fiat dicte bruere inter partes predictas Ita videlicet quod due partes dicte bruere proxime et contigue dictis maneriis de Estham et Childerthornton inter metas predictas remaneant dicto abbati imperpetuum tanquam solum eius proprium Et quod tercia pars proxima et contigua manerio de Wilaston secundum mensuracionem dictam remaneat dicte Agneti ad totam vitam dicte Agneti ac dicto Willelmo et dicte Matilde et ipsius heredibus imperpetuum tanquam solum eorum proprium Ita videlicet quod quamdiu dicta bruera remanserit inculta et non approuiata dictus abbas et eius successores et eorum tenentes ac dicta Agnes et w[illelmus] et m[atilda] et heredes eius et eorum tenentes habeant communam pasture et aliorum proficuorum in bruera predicta sicut habuerunt ante formam istius pacis concesse obseruato tamen quod non liceat dicte Agneti in vita sua nec w[illelmo] nec m[atilde] nec eius heredibus nec eorum tenentibus fodere nec terricidium capere in solo illius bruere remanente abbati [] per predictam particionem nec vendicionem donacionem seu agistacionem facere in dictis duabus partibus dicte bruere in sesina dictorum religiosorum remanentibus Et quod non liceat dictis abbati [] fodere nec terricidium capere [] in dicta tercia parte dicte bruere dictis Agneti et aliis eorum predictorum per particionem predictam remanente Et si ita contingat quod per processum temporis possit dicta bruera in culturam redigi et per aracionem inclusionem vel alio modo approuiari vnanimiter concordatum est quod quandocunque dicti religiosi uel eorum successores infra partem suam infra predictas suas duas partes dicte bruere se approuiauerint de duabus acris dicta Agnes tempore vite sue et w[illelmus] et m[atilda] et eius heredes libere se possint per aracionem inclusionem seu alio modo infra terciam partem suam dicte bruere se approuiare de una acra et sic secundum maius et minus prout dicti religiosi se approuiauerint in dicta bruera Ita videlicet quod dicta Agnes w[illelmus] et m[atilda] et eius heredes se non approuient in dicta tercia parte sua dicte bruere antequam abbas [] approuiauerint se in duabus partibus suis bruere predicte