Charter Document - 00900038
| Charter Number: | 00900038 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Memorandum |
| Date: | 1272 |
| Date type: | Internal, Feast, Regnal |
| Resource Link(s): |
|
Charter:
Memorandum quod in crastino sancti Michaelis anno regno domini Henrici patris domini Edwardi quinquagesimo sexto dominus Ricardus de Shirburne a dominis w[altero] Dei gratia Eboracensi archiepiscopo Anglie primate domino Rogero de Mortuomari et Roberto Burnell Eboracensi archidiacono incliti viri domini Edwardi illustris regis Anglie primogeniti in remotis agentis locum tenentibus ad comitatum Cestrie ad querelas inter quoscunque balliuos et tenentes dicti domini Edwardi Cestresire audiendas et terminandas specialiter destinatus volens super quibusdam articulis certificari super quibus dominus Reginaldus de Grey tunc iusticiarius Cestrie fratrem Simonem abbatem Cestrensem inquietabat et molestabat et super quibusdam aliis articulis infrascriptis diligenter fecit inquisicionem per iuratores infrascriptos videlicet dominum Robertum de Stokport Galfridum de Chedle Patricium de Heselwall Ricardum de Holt Willelmum de Wystanton milites Ricardum Orreby Willelmum de Hoton Alanum de Limme Philippum de Stapelehe Ricardum Starki Ricardum de Munshal Robertum de Wyninton Bertramum de Melis Willelmum de Baggel[ehe] Willelmum Bernard Adam de Kelsale Galfridum de Morton Alexandrum de Benuile Robertum de Pulle Ricardum de Thornton Hugonem de Dutton Hugonem de Pulford Thomam de Bertumleg[] qui dicunt super sacramentum suum quod abbas Cestrie de iure per cartas suas et alias libertates monasterio suo concessas et vsitatas potest et solet frussare assartare molendina et stagna construere et bercarias leuare infra diuisas maneriorum suorum in forestis Cestrisirie Dicunt insuper quod cum dictus abbas transitum facit per forestas Cestrisirie potest capere omne genus venacionis cum leporariis suis ubicunque ipse presens fuerit Item dicunt quod dictus abbas solet habere duas carectas singulis diebus excepto mense fetus vetito ad cariandum mortuum boscum de foresta de Mara ad coquinam dicti abbatis et conuentus sui Item dicebant per sacramentum suum quod idem abbas debet et solet habere rectam decimam de tota venacione quod capitur ad opus domini Cestrisirie tam in parcis quam in forestis Item dicunt per dictum sacramentum suum quod idem abbas debet et solet habere rectam decimam omnium molendinorum Cestr[ie] et decimum salmonem pontis et piscacionis de Dee et nichilominus decimum denarium de illis nouem denariis qui accipiuntur de ponte et aliis piscacionibus et insuper rectam decimam omnium exituum ciuitatis Cestrie In cuius rei testimonium []
Source (click image below to view full size)
