Charter Document - 00900018

Ranulphus comes Cestrie constabulario dapifero iustic[iariis] baronibus ministris et balliuis et omnibus hominibus suis Francis et Anglis clericis et laicis tam presentibus quam futuris salutem Sciatis me concessisse et confirmasse in perpetuam elemosinam pro salute anime mee et parentum meorum ecclesie sancte Werburge Cestrie et monachis ibidem Deo seruientibus omnes donaciones et dignitates et libertates quas comites antecessores mei scilicet Hugo comes et Ricardus filius eius et Ranulphus comes et alius Ranulphus auus meus et Hugo pater meus et barones in tempore illorum uel in meo eis dederunt Quapropter volo et heredibus meis et omnibus amicis et hominibus meis precipio ut omnia ad abbatiam pertinentia in burgo et extra burgum in bosco et in plano in villis [et extra in viis] et semitis in pratis et pasturis in aquis et molendinis in piscariis et in omnibus aliis locis sint soluta et quieta et ita libera ut nichil libertatis possit addi eis ulterius quia ego nichil retineo in rebus sancte Wereburge nisi oraciones tantummodo Et insuper concedo sicut alii comites ante me concesserunt ut sancta Wereburga habeat plenaria curiam suam in omnibus rebus Hiis testibus Bertru[de] comitissa matre mea Rad[ulpho] de Mesnilwar[in] Hugone de Bosco Ale Rad[ulpho] fil[io] Simonis Rog[ero] fratre com[itis] Rog[ero] constabulario Gaufrido de Buxeria Steph[ano] de Longocampo Alano de Bosco Ale Bertram[o] camerario Alexandro fil[io] Rad[ulphi] Johann[e] clerico Bech dispens[ario] Petro clerico et aliis multis apud Cestriam in capitulo monachorum in anniuersario die Hugonis comitis patris mei