Charter Document - 00900001
| Charter Number: | 00900001 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0958 |
| Date type: | Internal, A.D., Regnal |
| Resource Link(s): |
|
Charter:
[Omnipot]ens pater Spes vnica Mundi fabricator celi Conditor orbis qui diem Titanis splendidissimi radiis flagrantibus lustrando percurrit Noctemque Cinthie iubaris splendore comit omnia nobis bona plus merito concedens donauit vicemque aliis tam per evangelicum paradigma quam per aliarum seriem scripturarum et rependi precepit Quapropter ego Eadgarus Regni Merciorum Christi fauente gratia sublimatus ad culmina pro expiacione anime mee meorumque predecessorum Eadmundi videlicet incliti Anglorum Regis et genitoris mei necnon et beate memorie Ethelstani eiusdem gentis Regis nobilissimi dono et libenter concedo humili familie Deo omnipotenti in honore sacratissime semperque virginis Werburge in loco qui dicitur Leiacestria assidue militanti quandam partem agrorum Hoc est xvii manencium non in uno tamen loco set in diversis sparsim locis diuisos quorum nomina hic tenentur inserta que et sic vocitantur Hodeshlid et Ceofanlea et Huntingdun et Huptun et Easton et Barue vt habeant cum omnibus bonis ad illam terram pertinentibus et sine ulla contradiccione omni tempore iure hereditario possideant et quicquid exinde facere voluerint liberam in omnibus potestatem habeant faciendi Est autem hec terra circumcincta terminis [] Sit et etiam hoc mee concessionis donum liberum ab omni aggrauacione secularis seruicii et ab omni censu et expedicionis profeccione pontisque construccione et arcis municione Si quis vero quod absit inuidie facibus succensus presumptibili elacionis fastu hoc mee donacionis munimen frangere aut minuere voluerit sciat se reum omni hora uite sue et tenebrosi Tartaris flammiuomas voragines in futuro non euadere nisi prius cum satisfaccione pleniter emendauerit Actum est hoc mee concessionis donum anno dominice incarnacionis DCCCCLVIII indictione vero i anno secundo Regni mei in loco famoso qui dicitur Pencric et Hii testes aderant qui hoc consenserunt et subscripserunt et cum triumphali vexillo sancte crucis Christi firmauerunt et corroborauerunt Ego Eadgarus Rex Merciorum ceterarum [que] nacionum concensi et scribere iussi et cum signo sancte crucis confirmaui et corroboraui