Charter Document - 00899042
| Charter Number: | 00899042 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1222 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus seruus seruorum dei dilectis filiis [] Cancellario et [] Cantori Sar et [] Priori de Anbrebr Sar dioecesis salutem et apostolicam benediccionem Querelam dilectorum filiorum abbatis et conuentus de Oseneya recepimus continentem quod archidiaconus Oxonie et [quidam] alii Lincolniensis dioecesis ipsos indebitis exactionibus grauare presumunt co[ntra ius Quare] discretioni uestre per apostolica scripta mandamus quatinus partibus conuocatis audiatis causam et appellatione remota fine debito terminetis facientes [quod] decreueritis per censuram ecclesiasticam firmiter obseruari Testes autem qui fuerunt nominati si se gracia odio uel timore subtraxerint censura simili cessante appellatione cogatis ueritati testimonium perhibere Quod si non omnes hiis exequendis potueritis interesse duo uestrum ea nichilominus exequantur Datum Lateran nonas Iulii pontificatus nostri anno sexto
Source (click image below to view full size)
