Charter Document - 00898782
| Charter Number: | 00898782 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1159 - 1181 |
| Date type: | Assigned |
| Resource Link(s): |
Reference Document for this Embedded Document |
Charter:
Alexander episcopus seruus seruorum dei uenerabilibus fratribus Gilebertus Lundoniensi et Rogerus Wigorniensi episcopis salutem et apostolicam benedictionem Ex parte abbatis et fratrum de Oseneia nostris est auribus intimatum quod cum inter ipsos ac priorem et canonicos sancte Frideswide in presentia pie ac recolende memorie patris et antecessoris nostri Eugenii pape super ecclesia sancte Marie Magdalene que est sita extra portam Oxenefordie controuersia uerteretur tandem fuit ordine iudiciario terminata et sententia scripti apostolici munimine roborata Postmodum uero cum idem fratres in prefate ecclesie possessionem inducti consequenter per [Hugonem] de Pluchenei militem uiolentia eis allata [de eadem] fuissent ecclesia spoliati cumque super uiolentia ipsa ad uenerabilem fratrem nostrum Bartholomaeus Exoniensem episcopum et dilectum filium Iohannes tunc decanum Cicestrensem nunc dictum electum [Cicest littere] a nobis essent impetrate et causa coram eis agitaretur superueniens unus de canonicis sancte Frideswide asseruit predictam ecclesiam ad ius ecclesie sancte Frideswide pertinere et prohibens ne iudices in causa procederent in nostram audientiam appellauit Iudices [uero iuxta] litteras predicti predecessoris nostri quibus tota lis de sepe dicta ecclesia decisa uidebatur considerantes insuper perfectissimas probationes tam de proprietate q[uam de leg]itima possessione predictorum fratrum [exhibitas esse et iuste eos] fratres de milite fuisse conquestos appellationem predictorum canonicorum quasi super re iam iudicata frustratoriam omnino censentes fratribus de Oseneia possessionem adiudicauerunt et ipsos per archidiaconum loci illius in corporalem possessionem miserunt [Sed] cum Prior de Oseneia et aliqui de fratribus suis cum ipso ibidem morarentur superuenientes canonici sancte Frideswide cum multitudine armatorum eos ex eadem [ecclesia] eiecerunt Sepe dict[os ergo fratres compacientes et uolentes omni]a que contra iuris ordinem sunt ad religionis statum reuocare et suam iusticiam conseruare fraternitati uestre per apostolica scripta precipiendo mandamus quatinus conuocatis partibus et rationibus hinc inde plenius auditis et cognitis si noueritis sepe dictos fratres de Oseneya a possessione fuisse uiolenter eiectos ipsis omni occasione et appellatione remota possessionem restitui facialis et tunc causam audiatis et eam remoto appellacionis obstaculo mediante iusticia terminetis ita quidem quod si uobis constiterit prelibatos fratres de Oseneia coram prenominato predecessore nostro prefatam ecclesiam nulla de proprietate questione reseruata optinuisse prelibatis canonicis sancte Frideswide tam de proprietate quam de possessione perpetuum auctoritate nostra silentium imponatis et ecclesiam ipsam fratribus de Oseneia in pace facialis et quiete dimitti Ceterum si uterque uestrum interesse non poterit alter nihilominus que predicta sunt diligentius exequatur Datum Anagn ii Idus Aprilis