Charter Document - 00891048
| Charter Number: | 00891048 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
|
Charter:
Notum sit presentibus et futuris quod ego Iohannes Billuc concessi et dimisi et liberaui Dionisie filie Walteri de Oseneia totam terram meam in Oseneia scilicet croftum et pratum et pasturam quicquid ibi habeo illi et heredibus suis habendam et tenendam de me et heredibus meis in feodo et hereditate libere et quiete et ita integre sicut ego tenuerim de [domino] meo Thoma de sancto Walerico reddendo inde annuatim capitali domino illa et heredes sui pro me et heredibus meis uiginti sex denarios ad quatuor terminos anni pro omnibus seruicio [] et insuper michi et heredibus meis illa et heredes sui unum denarium annuatim ad festum Natiuitatis sancti Iohannis Baptiste pro omni seruicio michi et heredibus meis pertinente in recognicione illius feodi Et ego [] Et pro concessione mea et dimissione mea et liberatione et warentizacione mea predicti tenementi habendi et tenendi sicut prediuisum est prenominata Dionisia dedit michi duas marcas argenti de recognicione Et quia uolo [] hiis testibus Clemente de Osenaia Willelmo filio Roberti Willelmo clerico de Osenaia Waltero Halgot Roberto Piscatore Waltero genero Clementis Thoma et Helia filiis Walteri Willelmo filio Eilnodi Philippo Halgot Philippo filio Roberti molendinarii Willelmo de Butte et pluribus aliis