Charter Document - 00891045
| Charter Number: | 00891045 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1210 |
| Date type: | Assigned |
| Resource Link(s): |
|
Charter:
Sciant [] quod ego Thomas de sancto Walerico dedi [] deo ecclesie beate Marie de Oseneia et canonicis [] pro me et uxore mea et pro animabus patris et matris mee et omnium antecessorum meorum in puram et perpetuam elemosinam duas selliones terre ad quandam uiam faciendam apud North Osen iuxta fossatum terre predictorum canonicorum quam Bernardus pater meus illis dedit simul cum roseio quod est inter uadum quod uocatur Wereford et terram canonicorum uia longitudine se extendente a uado prefato usque ad domum Galteri le Lingedraper uadum etiam quod iuris mei consistit et in utraque parte ascensionem et descensionem absque dampno prati mei Et sciendum est quod ego condonaui canonicis prenominatis firmam sex denariorum si tantum de predicta terra fuerit soluendum et si aliquid ultra illos sex denarios fuerit soluendum illud reddent annuatim scaccario meo ad festum sancti Michaelis Hanc uiam cum supradictis prefatis canonicis concedo tenendam de me et heredibus meis libere et quiete bene et pacifice in perpetuum sine uexacione Et ut hec mea [] hiis testibus domino Ada abbate de Bethlesdene Radulfo Hareng senescallo meo Wilelmo de Leukenor Nigello de Peri Willelmo de Pichecote clerico Ada Portario de Oseneia Rogero de Lancport Luca de Oseneia Iohanne de Bertone Radulfo de Caueresham et multis aliis