Charter Document - 00891023
| Charter Number: | 00891023 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1205 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Iuliana filia Gileberti dedi [] Iohanni Bretel pro seruitio suo totam terram meam in Oseneia quam teneo de abbate et canonicis de Oseneia que est inter terram Philipi Alegod et terram Ade Ianitoris tenendam et habendam illi et heredibus suis de me et de heredibus meis libere et quiete et pacifice reddendo michi et heredibus meis ad festum sancti Iohannis Baptiste dimidiam libram cimini pro omni seruitio quod ad me spectat saluo forensi predicto uero abbati et canonicis vi denarios ad festum sancti Michaelis pro omni seruitio in die sancti Michaelis soluendis Et pro hac donatione et concessione dedit michi predictus Iohannes unum pallium de una marcha argenti et ipsum sepe dictum Iohannem heredem meum in solidum constituo Hec carta confecta fuit anno quinto regni regis Iohannis His testibus Willelmo Ailnod Willelmo Spesario Adam Ianitore Willelmo clerico de Osen Ricardo de Cantia Gerardo Willelmo le Engles Salamone et multis aliis