Charter Document - 00890933
| Charter Number: | 00890933 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1220 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas filius Rogeri filii Hemmig pro salute anime mee et pro animabus antecessorum meorum concessi et quietum clamaui pro me et heredibus meis inperpetuum deo et ecclesie sancte Marie Osen et canonicis ibidem deo seruientibus in liberam et perpetuam elemosinam duodecim denarios annuos quos percipere consueui pro terra illa que est inter uicum qui iacet inter Stocwelle et Castrum Oxonie et nouum pontem qui est uersus Oseneyam sicut eadem terra extenditur in latum inter terram Ricardi de Stocwelle et terram Rogeri Trash que etiam terra est regia strata Remisi etiam et quietum clamaui eisdem canonicis in perpetuum totum clamium et totum ius quod habui uel habere potui unquam in prefata terra et denariis xii annuis Et ego et heredes mei prefatam concessionem quietam clamacionem et relaxationem dictis canonicis in perpetuum warantizabimus contra omnes gentes Pro hac concessione quieta clamatione et relaxatione et warantizatione dederunt michi dicti canonici de caritate domus sue x solidos sterlingorum Et in huius rei testimonium presenti scripto sigillum meum apposui Hiis testibus Waltero capellano capelle sancti Thome iuxta Oseneyam Thoma filio Edwin maiore Oxonie Ricardo de Stocwelle Galfrido filio eius Philippo Molendinario Iohanne Pady Henrico Purcelle Alexandre ianitore Oseneye Petro de Tackele et aliis