Charter Document - 00890926
| Charter Number: | 00890926 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Godwini concessi dimisi et liberaui et hac presenti carta mea confirmaui Sauore Arzonario illam terram meam in Stocwelle que est inter domum Roberti Coc et domum Willelmi Mitterquorne illi scilicet et heredibus suis uel cui uoluerit eam assignare si heredes non habuerit exceptis locis religiosis tenendam et habendam de me et heredibus meis in feodo et hereditate libere quiete honorifice et integre reddendo inde annuatim michi et heredibus meis uiginti denarios ad quatuor terminos anni pro omni seruitio et omni exactione scilicet ad festum sancti Michaelis quinque denarios et ad Natale domini quinque denarios ad festum sancte Marie in Marcio quinque denarios et ad festum sancti Iohannis Baptiste quinque denarios Pro hac autem concessione dimissione et liberatione dedit michi predictus Sauore duos solidos de gersuma Et ego et heredes mei warentizabimus prenominato Sauore et heredibus suis uel suis assignatis predictam terram contra omnes homines mares et feminas Et ut hec concessio mea et dimissio liberatio et warentizatio rate stabiles et inconcusse permaneant eas sigilli mei munimine confirmaui Hiis testibus Iohanne Pistore Willelmo Le mercer Roberto Coc Lance Pistore Adam Modi Iohanne Carpentario Willelmo Mitterquorne Willelmo Cordewanario Martino Molendinario et multis aliis