Charter Document - 00890919
| Charter Number: | 00890919 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1235 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius Baldewini concessi dimisi et liberaui et hac presenti carta mea confirmaui Roberto Cok totam illam terram in Stocwelle que est inter domum Willelmi Mercatoris et domum Sauoris quam de me et de successoribus meis quondam tenuit [et] quandam paruam terram de nouo incremento gardini mei que iacet inter fontem predicti Roberti Cok et uiuarium meum scilicet in latitudine quinque ulnas domini regis et in longitudine octo et extra ulnas illas ex quacumque parte duos pedes super quibus duobus pedibus possit edificare domum super illo incremento si uoluerit illi et heredibus suis uel cuicumque illas terras prenominatas assignare uoluerit exceptis domibus religiosis tenendas et habendas de me et heredibus meis illi et heredibus suis uel suis assignatis in feudo et hereditate libere et quiete bene et in pace honorifice et integre reddendo inde annuatim michi et heredibus meis ille et heredes sui uel sui assignati uiginti denarios ad quatuor terminos anni pro omni servitio et exactione scilicet ad festum sancti Michaelis quinque denarios et ad Natale domini quinque denarios et ad festum beate Marie in Marcio quinque denarios et ad festum sancti Iohannis Baptiste quinque denarios Preterea de nouo incremento predicto predictus Robertus Cok et heredes sui uel sui assignati reddent michi annuatim et heredibus meis ipse et heredes sui uel sui assignati quatuor denarios ad terminos prenominatos Pro hac autem concessione dimissione et liberatione et confirmatione predictus Robertus Cok dedit michi pre manibus quatuor solidos sterlingorum pre manibus Et ego predictus Rogerus [] Insuper ego predictus Rogerus filius Baldewini dimisi et liberaui pro animabus antecessorum meorum de gardino meo quandam paruam particulam ad iter habendum usque ad fossatum mei gardini in quo fossato fiet cloaca ad asiamentum omnium illorum qui de me tenent in eodem tenemento ita tamen quod omnes illi qui asiamentum uolunt habere de eadem cloaca adiuuabunt ad cloacam faciendam et reparandam Et ut hec omnia predicta [] hiis testibus [Petro filio] Turald Thoma de sub muro Galfrido de Stocwelle Nicholao fratre eius Iohanne Le Pecher Nicholao de Hen[esham] [] Henrico de Aqua Symone clerico Galfrido clerico Iohanne le Weper Radulfo le Passur et aliis