Charter Document - 00890837
| Charter Number: | 00890837 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 |
| Date type: | Assigned |
| Resource Link(s): |
|
Charter:
Notum sit omnibus tam futuris quam presentibus quod ego Willelmus Cementarius et ego Agnes uxor eiusdem Willelmi filia Reginaldi concessimus et dimisimus et liberauimus deo et ecclesie sancte Marie de Osen [] totam illam terram nostram que iacet inter cheminum quo itur ad salam domini regis et terram que fuit Ernaldi filii Matillidis extra portam aquilonarem Oxonefordie illis habendam et tenendam in perpetuum de nobis et de heredibus mei Agnetis libere et quiete plenarie et integre cum omnibus eidem terre pertinentibus reddendo nobis annuatim pro tota predicta terra et suis pertinenciis sex solidos ad duos terminos anni pro omni seruitio quod ad nos pertinet uidelicet iii solidos ad festum beate Marie in Marcio et iii solidos ad festum sancti Michaelis et predicti canonici respondebunt capitali domino de consueto seruitio predicte terre soluendo ei scilicet vi d ad festum sancti Martini pro omni seruitio Et ego Willelmus Cementarius et ego Agnes uxor eius et heredes mei [] Et propter hanc concessionem [] canonici predicti dederunt michi Willelmo unam marcam argenti et michi Agneti xx solidos in gersumam et preterea michi Agneti inuenient uictum et uestitum quamdiu uiuam Ut autem prefata terra cum pertinentiis suis ecclesie de Osen et canonicis eiusdem loci firmiter et stabiliter perpetuo permaneat hac nostra presenti carta et sigillis nostris ego Willelmus et ego Agnes uxor eius insimul confirmauimus Hiis testibus Willelmo sacerdote sancte Marie Magdalene Iocelino filio Safar Roberto Sunegod Hugone de Gersind[on] Iohanne Kepeherm Thoma filio Ailriz Adam Rufo Willelmo filio Rogeri Simone de Elsefeld Henrico filio Cristine Andrea Rufo Rogero Luteswein Iohanne Bretel Luca de Wurda Huberto Iohanne