Charter Document - 00890799
| Charter Number: | 00890799 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1318 |
| Date type: | Internal, A.D., Calendar |
| Resource Link(s): |
|
Charter:
In dei nomine Amen Anno ab incarnacione Domini secundum cursum ecclesie Anglicane MCCC octauo decimo indiccione prima mense Nouembri die quarta in aula domini Roberti de Carsintone vicarii ecclesie beate Marie Magdalene Oxonie in mei notarii publici infrascripti et testium subscriptorum presencia idem dominus Robertus de Carsintone predictus perpetuus vicarius ecclesie beate Marie Magdalene extra portam borialem Oxonie antedicte per procuratorem abbatis et conuentus Oseneye rectorum dicte ecclesie ad racionem positus de surreptis oblacionibus contra formam scripti obligatorii dicti vicarii eisdem abbati et conuentui confecti ad quod obseruandum corporale prestitit sacramentum fatebatur se recepisse tres denarios et non ultra quos et restituit in instanti Fatebatur etiam sponte et absolute quatuor denarios relicto sibi quinto de die beate Marie Magdalene ad dictos abbatem et conuentum debere sicut et de ceteris oblacionibus per annum prouenientibus pertinere qui et eodem tempore tres solidos de anno preterito de oblacionibus dicte diei surreptos dicto restituit procuratori Acta sunt hec anno indiccione die loco et mense supradictis presentibus fratre Willelmo de Tettesworthe canonico Oseneye domino Willelmo de Hokenorthone capellano beate Marie in dicta ecclesia Magdalene Roberto clerico dicte ecclesie Iohanne garcione eiusdem vicarii testibus ad premissa vocatis specialiter et rogatis Et ego Willelmus dictus le Warde de Rothewelle clericus Lincolniensis diocesis publicus auctoritate imperiali notarius confessioni et restitucioni supradictis una cum testibus prenotatis presens interfui et hec omnia signo consueto signaui rogatus