Charter Document - 00890785
| Charter Number: | 00890785 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1177 |
| Date type: | Internal, Calendar |
| Resource Link(s): |
|
Charter:
Alexander [] Causam que inter vos et canonicos sancte Fredeswidis super ecclesia sancte Marie Magdalene vertebatur venerabilibus fratribus nostris G Londoniensi et R Wigorniensi episcopis sub tali forma commisimus terminandam quod si constaret eis per literas sancte memorie patris et predecessoris nostri Eugenii pape prescriptam causam ita fuisse decisam quod in ea nichil questionis fuisset relictum predictis Canonicis sancte Fredeswidis tam de proprietate quam de possessione prefate ecclesie perpetuum silentium imponerent Qui siquidem prout transmissis nobis literis intimauerint partibus in presentia sua constitutis post multa que hinc inde tam de proprietate quam de possessione allegata sunt litere predicti predecessoris nostri producte fuerunt que manifeste et expresse continebant ita fuisse causam prescriptam terminatam quod nichil questionis fuerat reseruatum Quapropter de consilio abbatis Glocestrie et abbatis de Ennesham et aliorum plurium prudentium uirorum eis assidentium iuxta formam sibi prescriptam et iuris equitatem Priori et canonicis sancte Fredeswidis tam de possessione quam de proprietate prelibate ecclesie perpetuum silentium auctoritate nostra [qua] fungebantur imposuerunt Ceterum quia officio nostro conuenit ea que de auctoritate sedis apostolice racionabiliter statuuntur pontificali presidio roborare sententiam predictorum iudicum quemadmodum ab eis secundum tenorem sentencie predicti antecessoris nostri et formam sibi a nobis prefixam lata est firmam et ratam manere sancimus et auctoritate apostolica confirmamus ac presentis scripti patrocinio communimus statuentes ut nulli omnino hominum [] Dat Veste iiii Non Marc