Charter Document - 00890672
| Charter Number: | 00890672 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris quod ego Benedictus filius Elnad et frater meus Iohannes concessimus et dimisimus et liberauimus Matilde filie Ardinc Fabri totam terram illam nostram que est ex opposito terre Adam Rufi quam tenet Adam de Gutinges et est inter terram Laurentii filii Adwini Pelliparii in parochia sancte Ebbe et Roberti Fraucens illi et heredibus suis habendam et tenendam de nobis et heredibus nostris in feudo et hereditate libere et quiete redendo annuatim pro predicta terra nobis et heredibus nostris duos solidos ad duos terminos anni pro omni seruicio uidelicet in Annunciacione dominica xii denarios et in festo sancti Michaelis xii denarios et ego Benedictus et frater meus Iohannes et heredes nostri warantizabimus predictam terram Matilde et heredibus suis contra omnes homines mares et feminas Et propter hanc nostram concessionem et dimissionem et liberationem et warantizationem nostram prefate terre dedit nobis Matilda prenominata vi solidos et vi denarios in gersumma et fecit nobis fidelitatem de ipso tenemento Ut autem predicta concessio Matidd rata permaneat et heredibus suis eam nostra presenti carta et sigillorum nostrorum munimine ego Benedictus filius Elnat et frater meus Iohannes illi predicte Malt et heredibus suis confirmauimus Hiis testibus Waltero presbitero sancte Ebbe Waltero Floteman Radulfo Ibernie Iordano de Eilesbir lacob Coruiser Auurfei de Elmelei Ricardo de Bristou Rogero filio Elwine le Tornur Tomas le Coruiser Will de Wlgericotte Nichol fil Grim et aliis quam plurimis