Charter Document - 00890655
| Charter Number: | 00890655 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
|
Charter:
Notum sit presentibus et futuris quod ego Turbernus Pistor uoluntate et assensu Adelicie uxoris mee concessi et dimisi et liberaui Iordano de Eilesbiri et Edithe uxori sue terram meam que est inter terram eiusdem Iordani et terram Willelmi Wictoc illis et heredibus suis habendam et tenendam de me et heredibus meis in feodo et hereditate libere et quiete et integre in latum et in longum usque ad capitale masagium Benedicti Kepeharm reddendo inde annuatim illi et heredes eorum pro me et heredibus meis capitali domino duos solidos ad duos terminos anni uidelicet xii denarios ad Pasca et xii denarios ad festum sancti Michaelis et insuper unum denarium michi et heredibus meis annuatim ad Pasca illi et heredes eorum pro omni seruicio in recognicionem illius feodi Et ego et heredes mei warentizabimus predictam terram integre prefato Iordano et Edithe uxori sue et heredibus eorum contra omnes homines Et pro concessione mea et dimissione et liberacione et warentizacione mea predicte terre predicti Iordanus et Editha uxor eius dederunt michi et Adelicie uxori mee quatuor marcas argenti in recognicione et preterea dederunt Adelicie uxori mee unam tunicam de uiridi panno et Iuliane filie nostre duos denarios et Edithe alie filie nostre duos denarios et Iordanus fecit michi fidelitatem de tenemento Et ut premissa et prediuisa perpetuo rata permaneant hac mea presenti carta et sigillo meo confirmaui hiis testibus Willelmo fratre Anketilli Thoma filio Eilrici Willelmo le Knit Laurencio filio Wiard Bernardo Coco Willelmo Wictoc Rogero filio Adam Willelmo Leggi Nigello de Wintonia Benedicto Mercero Rogero Noif Radulfo de Ibernia Thoma filio Aldredi Iohanne Tinctore