Charter Document - 00890654
| Charter Number: | 00890654 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1185 |
| Date type: | Internal, Calendar |
| Resource Link(s): |
|
Charter:
Lucius episcopus seruus seruorum dei dilectis filiis Abbati de Messendene et Priori de Dunestablia salutem et apostolicam benedictionem Querelam Canonicorum de Oseneia propositam in audientia nostra recepimus quod moniales de Godestowe quosdam parrochianos et rector ecclesie sancti Budoci quosdam alios et Canonici sancte Frideswide quosdam parrochianos alios et decimas ad supradictos Canonicos de Oseneia spectantes contra iustitiam detinent et eas ipsis reddere contradicunt Mandamus itaque discretioni uestre quatinus partibus ad uestram presentiam conuocatis que super his [pro]posita fuerint diligentius audiatis et quod iustum fuerit sine personarum acceptione appellatione postposita iudicetis et iudicium uestrum a partibus suscipi faciatis et inuiolabiliter obseruari Dat Veron vi Kalendas Aprilis