Charter Document - 00890571
| Charter Number: | 00890571 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1230 |
| Date type: | Assigned |
| Resource Link(s): |
|
Charter:
Sciant [] quod ego Hugo Harding de Oxon dedi [] magistro Petro de Wileby omnia tenementa illa que habui in parochia sancti Martini Oxonie iuxta domum Roberti Kari cum solario quod se extendit uersus uicum de draperia in eadem parochia et cum omnibus aliis edificiis in dictis tenementis existentibus et cum omnibus aliis ubique pert suis sine aliquo retenemento Quare uolo et firmiter concedo pro me et heredibus meis quod dictus Petrus et heredes sui uel cuicunque in prospera sanitate assignare uel in egritudine dare uendere inuadiare uel legare uoluerit siue in religione siue extra religionem habeant et teneant omnia predicta tenementa cum omnibus ubique pert suis sine aliquo retinemento ut predictum est bene et in pace libere et quiete iure hereditario inperpetuum faciendo inde per manum suam capitalibus dominis feodorum illorum omnia seruicia que de ipsis tenementis debentur uidelicet ecclesie sancti Martini Oxon per annum sex denarios et pro introitu illius porte que ad dicta tenementa pertinet sex denarios et Willelmo le Seinter et heredibus suis sex solidos et insuper michi et heredibus meis unum denarium ad Pascha pro omni seruicio secta consuetudine et omnimoda exaccione Et ego [] Pro hac autem donatione [] dedit michi dictus magister Petrus tresdecim marcas argenti in gersomma per manibus Et ut [] hiis testibus Henrico Simeo[nis] Galfrido de Stockwelle Thoma filio Walteri Ada Feteplace Nicholao de Stockwelle Laurentio filio Wydon[is] Roberto Kari Hugone le Parmenter Roberto le Taillur et multis aliis