Charter Document - 00890527

Nouerint [] quod ita conuenit inter Willelmum de Burncestria de Oxon ex una parte et Robertum filium Thome de Sowy de Oxon ex altera parte videlicet quod predictus Robertus concessit tradidit et liberauit et hoc presenti scripto suo confirmauit prefato Willelmo totum illud tenementum suum cum pert suis exceptis duabus schoppis cum duobus solariis superedificatis eidem tenemento ex parte boreali introitus exterioris eiusdem tenementi immediate coadiunctis quod quidem tenementum magister Nicholaus de Ew nuper in testamento suo eidem Roberto legauit et situatur in parochia sancti Martini Oxon iuxta tenementum Lucie de Kingestone quod uocatur Maugereshalle ex parte australi habendum et tenendum [] prefato Willelmo ad totam vitam suam libere bene et pacifice reddendo inde annuatim dictis Willelmus quamdiu vixerit predicto Roberto et suis heredibus uel assignatis sex marcas argenti ad quatuor anni terminos principales et usuales per equales porciones pro omni seruicio et demanda Et si contingat predictum Willelmum infra terminum viginti annorum proximo subsequencium a die sancti Thome apostoli proximo futuro post confeccionem huius scripti in fata decedere quod absit vult et tenore huius scripti concedit dictus Robertus pro se et heredibus suis ac assignatis quod heredes assignati uel executores eiusdem Willelmi habeant et pacifice teneant dictum tenementum cum omnibus pert suis exceptis schoppis et solariis illis supra notatis usque ad finem dicti termini viginti annorum [] competenter et honeste ad opus et eysiamenta racionabilia predicti Willelmi Pro hac autem [] dedit predictus Willelmus prefato Roberto quandam summam pecunie pre manibus In quorum [] Dat Oxonie die Iouis in crastino sancti Nicholai episcopi anno regni regis Edwardi filii regis Edwardi sexto hiis testibus Henrico de Lenn et Gilberto de Grensted tunc balliuis Oxonie Thoma de Sowy Andrea de Pyrie Iohanne de Coleshulle Willelmo de Pennarth Thoma clerico