Charter Document - 00890515
| Charter Number: | 00890515 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1187 - 1191 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Robertus diuina pietate Malmesbiriensis ecclesie dictus Abbas eternam in domino salutem Nouerit uniuersitas uestra nos interfuisse testamento pie recordationis Waleranni de Crikelada in extremis positi et audisse ab ore eius ea que idem legauit ecclesie sancte Marie de Oseneia et Canonicis ibidem deo seruientibus scilicet terram quam memoratus Walerannus emit in Oxeneford a Roberto filio Iunguine cum omnibus pertinentiis eius post decessum Aalicie uxoris predicti Waleranni libere et quiete perhenniter possidendam ita uidelicet quod eadem Aalicia quoad uixerit pro terra illa et pertinentiis eius annuatim ecclesie prenominate de Osen aureum unum persoluet et preterea debita que predictus Robertus filius Iunguine eidem Waleranno debuit et preter predicta legauit eidem ecclesie medietatem molendini de Langeforde prope pontem australem ciuitatis Oxeneford ita quidem ut si Walerannus filius Basilie filie sue sine herede de uxore legitima proueniente ab hoc seculo migrauerit ipsa medietas cum omni iure quod in ea Walerannus habuerat in dominium et possessionem ecclesie Oseneiensis libere et integre transibit Et ne huius rei ueritas posteros lateat eam presenti scripto sigillo nostro roborato attestamur