Charter Document - 00872016
| Charter Number: | 00872016 |
|---|---|
| Cartulary Title: | The Cartulary of the Knights of St. John of Jerusalem [London] |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1311 |
| Date type: | Internal, Calendar, Regnal |
| Resource Link(s): |
|
Charter:
Universis Christi fidelibus presentem indenturum visuris vel audituris Iohannes de Blebury clericus salutem in Domino Noveritis me ob salutem anime mee dedisse concessisse deo et beate Marie et Sancto Iohanni Baptiste ac priori et fratribus Hospitalis Sancti Iohannis Jerusalem in Anglia et eorum successoribus quondam annuum redditum viginti Marcarum sterlingorum singulis annis percipiendum quamdiu vixero de manerio de Adyngton quod habeo ex dimissione magistri et fratrum quondam milicie templi in Anglia et quod quidem manerium tenere clamo de cetero de predictis priore et fratribus et eorum successoribus ad terminum vite per servicium predicti annui redditus viginti marcarum supradictarum Ita videlicet quod predictum manerium post decessum meum prefatis priori et fratribus integre revertatur salvis michi executoribus et assignatis meis bonis et catallis meis in dicto manerio in decessu meo existentibus absque calumpnia seu impedimento ali quali Quam quidem donacionem et concessionem predicti annui redditus viginti marcarum eis feci et me teneri recognosco eisdem priori et fratribus ob reverenciam constitucionis sacrosancte Romane ecclesie de terris et redditus quondam templi tam spiritualibus quam temporalibus dictis priori et fratribus edite Et ad istam solucionem viginti marcarum annui redditus solvendo ad duos anni terminos videlicet ad festum Pasche et sancti Michaelis per equales porciones primo solucionis termino incipiente in festo Pasche post datum presencium obligo me et omnia bona mea in predicto manerio vel alibi inventa districtioni predictorum prioris et fratrum vel ministrorum suorum In cuius rei testimonium tam sigillum fratris Thome le Archier tunc prioris hospitalis predicti in Anglia quam sigillum meum huic scripto in dentato alternatim sunt appensa Datum London in domo hospitalis sancti Iohannis de Clerkenwell primo die mensis maii anno regni regis Edwardi tercii post conquestum secundo