Charter Document - 00870199

Universis sancte matris ecclesie [filiis ad quos presentes littere pervenerint] Iohannes miseracione divina London[iensis] episcopus salutem in domino Iesu Christo Cum inclite recordacionis Innocencius papa iiii ecclesiam de Stebbynge nostre dioecesis que est de patronatu religiosorum virorum prioris et fratrum hospitalis Ierusalem in Anglia eisdem priori et fratribus salvo dioecesano iure in proprios usus concesserit applicandam ac venerabilis vir frater Iosep de Chancy prior hospitalis predicti et fratres eiusdem nuper auctoritate predicti indulti apostolici ecclesiam de Stebbynge memoratam ingressi Rogerum de Bokland presbiterum ad vicariam predicte ecclesie vacantem nobis presentaverint et instanter pecierint de proventibus ecclesie predicte competentem porcionem ipsi vicario et successoribus suis nomine vicarie per nos assignari nos ad predictorum hospitalariorum instanciam officii nostri debitum diligencius exsequentes ac predicti Rogeri quem ad vicariam predictam ad presentacionem predicti fratris Iosep domus hospitalis predicti prioris admisimus et perpetuum vicarium instituimus in eadem ac eciam ad successorum suorum sustentacionem de voluntate et concessu expresso predictorum fratris Iosep prioris et fratrum hospitalis predicti assignamus porciones infra scriptas perpetuo iure nomine vicarie predicte possidendas mansum cum crofto et gardino que capellanus habere consuevit qui predicte ecclesie deservivit item terciam partem tocius decime garbarum provenientis de feodis de Colunciis et Ferariis quam quidem terciam partem rectores ecclesie predicte hactenus recipere consueverunt cum tota decima feni eorundem feodorum item totam decimam unius carucate terre cum pertinentiis quam dominus Willelmus de Ferariis nuper emit de domino Nicholao de Stebbyng item omnes decimas minores parochie predicte oblaciones obvenciones legata mortuaria et omnia alia quocumque nomine censeantur pertinencia ad alteragium ecclesie memorate Et facient predicti vicarius et successores sui qui pro tempore fuerint ecclesie predicte per sufficientes et ydoneos ministros de serviri ac eciam episcopalia archidiaconalia et omnia alia onera ipsius ecclesie ordinaria preter reparacionem cancelli et dedicacionem ecclesie supportabant necnon extraordinaria pro rata sue porcionis Totum vero residuum omnium proventuum terrarum et pratorum ecclesie predicte secundum tenorem apostolice littere salva ecclesie nostre London[ie] per omnia dignitate applicetur predictis priori et fratribus hospitalis predicti qui tamen onus reparacionis cancelli et dedicacionis ecclesie de Stebbynge predicte cum opus fuerit totaliter supportabant et eciam extraordinaria pro rata porcionis sue contingente In premissorum vero testimonium presentes litteras fieri fecimus tripartitus quarum una tanquam originalis sigillo predictorum prioris et fratrum sigillata penes nos et successores nostros remanebit alia vero sigillo nostro signata penes hospitalarios predictos et tercia nostro et predictorum hospitalariorum sigillo signata penes vicarium predictum et successores suos ad perpetuam memoriam futurorum Datum London ii nonas iulii anno gratie millesimo ducentesimo septuagesimo sexto consecracionis nostre anno tercio