Charter Document - 00870016

In memorandum de anno decimo regis Ricardi secundi inter recorda de termino sancti Michaelis rotulo nono ex parte remem[brationis] thesaurarii Memorandum quod compertum est in rotulo de particulis computi Rogeri Keterych escaetoris domini Edwardi nuper regis Anglie avi domini regis nunc in comitatibus Essex[e] et Hertf[ordie] de exitibus eiusdem escaetoris in comitatibus predictis a duodecimo die decembris anno quadragesimo octavo dicti regis avi usque ad tercium diem novembris proximum sequentem quod idem escaetor respondit de iii s iii d de exitibus triginta acrarum terre et prati cum pertinentiis in Chyngeford vocat[orum] Danyelslond in predicto comitatu Essex[e] quas prior hospitalis sancti Iohannis Ierusalem in Anglia appropriavit sibi et successoribus suis circiter triginta annos tunc elapsos de Iohanne Flemyng sine licencia regis que quidem terra et pratum ad x s extenduntur per annum videlicet a decimo octavo die iulii anno quadragesimo nono dicti regis avi Quo die dictus escaetor terram et pratum predicta occasione predicta cepit in manum regis usque predictum tercium diem novembris proximum sequentem videlicet per cviii dies iuxta ratam extente predicte et remanit Et quod idem escaetor non respondit de aliquibus exitibus terre et prati predictorum per predictos triginta annos elapsos ante predictum decimum octavum diem iulii dicto anno quadragesimo nono eo quod prior hospitalis sancti Iohannis Ierusalem in Anglia qui tunc fuit et predecessores sui terram et pratum predicta per predictos triginta annos occuparunt prout patet per quandam inquisicionem coram dicto escaetore ex officio suo captam et super dictum compotum liberatam de quibus quidem exitibus predictorum terre et prati per dictos triginta annos predictus prior est regi responsurus Et visa est dicta inquisicio de qua superius fit mencio que est inter particulas predictas in hec verba Inquisicio capta apud Waltham coram Rogero Keterych escaetore domini regis in comitatu Essex[e] decimo octavo die iulii anno regni regis Edwardi tercii post conquestum quadragesimo nono virtute officii sui per sacramentum Iohannis canoun Radulfi Ware Ricardi Colworth Petri Payn Iohannis Pull[e] Roberti Holand Iohannis balitre Willelmi Stevene Roberti Rolf Ricardi sumpter Iohannis pult[er] et Iohannis webbe qui dicunt super sacramentum suum quod quidam prior hospitalis sancti Iohannis Ierusalem in Anglia predecessor prioris qui nunc est appropriavit sibi et successoribus suis circiter triginta annos elapsos de Iohanne Flemyng sine licencia regis triginta acras terre et prati cum pertinentiis in Chyngeford vocata Danyeleslond in eodem comitatu que valet per annum x s Et dicunt quod prior loci predicti qui nunc est et predecessores sui terra et pratum predicta per predictos triginta annos occuparunt et exitos et proficua inde perceperunt In cuius rei testimonium huic inquisicioni iuratores predicti sigilla sua apposuerunt Datum die anno et loco supradictis Per quod prior hospitalis sancti Iohannis Ierusalem in Anglia qui nunc est habuit diem hic ad plures dies preteritos et tandem a die sancti Michaelis hoc termino in quindecim dies ad reddendum regi compotum de exit[ibus] triginta acrarum terre et prati predictorum videlicet per predictos triginta annos [] sicut continetur in memorandum de anno nono regis nunc inter dies datum de termino Pasche rotulo sexto vel ad ostendendum quare inde computare non debet Et ad predictam quindenam sancti Michaelis predictus prior qui nunc est venit per Iohannem Wycombe attornatum suum et detulit hic breve regis de magno sigillo suo thesaurario et baronibus huius scaccarii directum quod irrotulatur inter brevia directa baronibus de hoc termino rotulo videlicet tercio in hec verba Ricardus Dei gratia rex Anglie et Francie et dominus Hibernie thesaurario et baronibus suis de scaccario salutem tenorem recordi et processus loquele que fuit coram nobis in cancellaria nostra inter nos et priorem hospitalis sancti Iohannis Ierusalem in Anglia de triginta acris terre et prati cum pertinentiis in Chyngeford vocatorum Danyeleslond que quidem loquela coram nobis missa fuit discucienda et quem quidem tenorem coram nobis in dictam cancellariam nostram certis de causis venire fecimus Vobis mittimus sub pede sigilli nostri mandantes quod inspecto tenore predicto ulterius ad prosecucionem ipsius prioris in hac parte fieri faciatur quod de iure et secundum legem et consuetudinem regni nostri Anglie fuerit faciendum teste me ipso apud Westmonasterium duodecimo die octobris anno regni nostri decimo Et tenor recordi et processus predictorum de quibus in predicta brevi fit mencio sequitur in hec verba Tenor recordi et processus de quibus in billa huic cedule attach[iamenta] fit mencio et coram domino rege termino Pasche anno regni regis Ricardi secundi tercio irrotulata sequitur in hec verba Rotulo quartodecimo inter placita regis memorand[um] quod venerabilis pater Simon archiepiscopus Cantuar[iensis] domini regis cancellarius isto eodem termino coram domino rege apud Westmonasterium per manus suas proprias liberavit hic in curia quoddam recordum in hec verba Placita coram domino rege in cancellaria sua in quindena sancti Hillari anno regni domini regis Ricardi secundi tercio dominus rex nuper volens cerciorari super causa capcionis triginta acras terre et prati prioris hospitalis sancti Iohannis Ierusalem in Anglia cum pertinentiis in Chynford in manum domini Edwardi nuper regis Anglie avi sui per Rogerum Keterych nuper escaetorem ipsius avi in comitatu predicto precepit eidem nuper escaetorum quod ipsum regem inde in cancellariam suam distincte et aperte certificaret qui quidem nuper escaetor in cancellariam predictam certificavit quod ipse predictas triginta acras terre et prati cum pertinentiis vocat[orum] Danyeleslond in Chyngeford cepit in manum dicti avi eo quod per inquisicionem coram ipso nuper escaetore ex officio captam compertum fuit quod prior hospitalis predicti terram et pratum predicta sibi et successoribus suis de Iohanne Flemyng sine licencia regia appropriavit Et super hoc Robertus de Hales nunc prior hospitalis predicti in cancellaria predicta in propria persona sua comparens dicit quod terra et pratum predicta quondam fuerunt cuiusdam fratris Roberti de la More tunc magistri ordinis milicie Templi in Anglia et fratrum ordinis predicti et quod iidem magister et fratres et omnes predecessores sui inde ut de iure ecclesie sue de Templo a tempore cuius contrarii memoria non extitit seisiti fuerunt et statum suum inde continuaverunt quousque idem ordo adnullatus fuit et cessavit virtute quarum adnullacionis et cessacionis omnia terra tenementa redditus servicia feoda advocaciones reversiones possessiones ac iura quecumque tunc fuerunt ipsorum magistri et fratrum in manus domini regis nunc existentis ac aliorum dominorum de quibus tenebantur seisita fuerunt et quod postmodum dominus Edwardus nuper rex Anglie proavus dicti domini regis nunc pro eo quod in parliamento suo tento apud Westmonasterium anno regni sui decimo septimo de assensu prelatorum comitum baronum magnatum et aliorum procerum tam dominorum feodorum illorum quam aliorum statutum fuit et ordinatum pro lege in hac parte perpetuis temporibus duraturis quod omnia terre tenementa dominia feoda ecclesie advocaciones ecclesiarum et libertates cum omnibus pertinentiis ad ea qualitercumque spectantibus que fuerunt predictorum Templariorum tempore cessacionis et adnullacionis predicti predicto ordini Hospitalis et priori et fratribus eiusdem ordinis assignarentur et liberarentur sibi et successoribus suis imperpetuum remansura de assensu predicto ac plenitudine regie potestatis omnia terras tenementa dominia feoda ecclesias advocaciones et libertates cum pertinentiis predicto ordini Hospitalis ac priori et fratribus eiusdem ordinis in eodem parliamento assignavit et eas ei liberare decrevit habendum et tenendum sibi et successoribus suis predictis de domino rege et aliis capitalibus dominis feodorum illorum per eadem servicia per que dicti magister et fratres ordinis milicie Templi ea tenuerunt tempore cessacionis et adnullacionis predictarum ut in refeccione pauperum hospitalitatibus divinorum celebracionibus defensione terre sancte ac omnibus aliis oneribus et serviciis debitis et antiquitiis fieri consuetis et ulterius dicit idem nunc prior quod quidem frater Thomas Archier nuper prior hospitalis predicti predecessor suus ac ipsemet nunc prior similiter fuerunt seisiti de terra et prato predictis virtute statuti ordinacionis assignacionis et decreti predictorum ut in iure ecclesie sue sancti Iohannis hospitalis predicti quousque idem nunc prior per prefatum nuper escaetorem colore officii predicti inde amotus fuit absque hoc quod predictus nunc prior seu aliquis predecessorum suorum appropriaverunt seu adquisiverunt terram et pratum predicta de predicto Iohanne prout per certificacionem predictam supponitur petendo manum domini regis de terra et prato predictis cum pertinentiis amoveri et exitus inde a tempore capcionis eorumdem in manum domini regis perceptis sibi liberari Et Michael Skyllyng qui sequitur pro domino rege dicit quod prior hospitalis predicti appropriavit et adquisivit sibi et successoribus suis predictis terram et pratum predicta cum pertinentiis sine licencia regia contra formam statuti de terris et tenementis ad manum mortuam non ponendum editi prout per certificacionem predictam supponitur et hoc petit pro domino rege inquiri Et predictus nunc prior similiter ideo datum est eis inde dies coram ipso rege in quindena Pasche prox[ime] futur[e] ubicumque tunc fuerit ad faciendum et recipiendum quod iustum fuerit in premissis Postea continuato inde processu coram domino rege inter dominum regem et prefatum nunc priorem hospitalis per iuratores positas in respectum usque in hunc diem scilicet in octabas sancti Hillarii anno regni regis nunc Anglie quarto ad quem diem coram domino rege apud Westmonasterium venit predictus nunc prior per attornatum suum predictum Et similiter iuratores venerunt qui ad hoc electi triati et iurati dicunt super sacramentum suum quod terra et pratum predicta quondam fuerunt prefati fratris Roberti de la More nuper magistri ordinis milicie Templi in Anglia et fratrum ordinis predicti et quod iidem magister et fratres et omnes predecessores sui inde ut de iure ecclesie sue de Templo a tempore cuius contrarii memoria non extitit seisiti fuerunt et statum suum inde continuaverunt quousque idem ordo adnullatus fuit et cessavit virtute quarum adnullacionis et cessacionis omnia terre et tenementa redditus servicia feoda advocaciones reversiones possessiones ac iura quecumque que tunc fuerunt ipsorum magistri et fratrum in manus domini regis nunc existentis et aliorum dominorum de quibus tenebantur seisita fuerunt et quod postmodum omnia terre et tenementa redditus servicia feoda advocaciones reversiones possessiones ac iura predicta virtute statuti ordinacionis et decreti assignata et liberata fuerunt predicto ordini hospitalis priori et fratribus eiusdem ordinis sibi et successoribus suis imperpetuum remansura Habendum et tenendum sibi et successoribus suis predictis de domino rege et aliis capitalibus dominis feodorum illorum per eadem servicia per que dicti magister et fratres ordinis milicie Templi predicti ea tenuerunt tempore cessacionis et adnullacionis predictorum dicunt eciam iidem iuratores quod quidem frater Thomas Archer nuper prior hospitalis predicti predecessor ipsius prioris qui nunc est ac ipse prior qui nunc est similiter fuerunt seisiti de terra et prato predictis virtute statuti ordinacionis assignacionis et decreti predictorum ut in iure ecclesie sue sancti Iohannis hospitalis dicti quousque idem nunc prior per prefatum nuper escaetorem colore officii sui predicti inde amotus fuit prout idem nunc prior implacitando allegavit absque hoc quod predictus nunc prior seu aliquis predecessorum suorum appropriaverint sibi et successoribus suis terram et pratum predicta de prefato Iohanne Flemyng prout coram prefato escaetore compertum fuit [] Ideo constitutum est quod manus domini regis de terra et prato predictis ammoveantur et quod terre et pratum predicta una cum exitibus inde medio tempore perceptis prefato nunc priori hospitalis predicti liberentur salvo semper iure regis si quod [] Et predictus prior hospitalis qui nunc est petit de compoto in premissis ab eo exacto de exitibus predictarum triginta acrarum terre et prati cum pertinentiis in Chyngeford vocatorum Danyeleslond videlicet per predictos triginta annos ante supradictum decimum octavum diem iulii dicto anno quadragesimo nono dicti regis avi erga regem exonerari et quod manus regis de terra et prato predictis ammoveantur et quod eadem terra et pratum cum pertinentiis una cum exitibus inde a supradicto decimo octavo die iulii dicto anno quadragesimo nono perceptis eidem priori liberentur Et visis premissis per barones habitaque deliberacione inde per eosdem constitutum est quod prefatus prior qui nunc est quoad compertum ab eo exactum de exitibus terre et prati predictorum videlicet per predictos triginta annos ante supradictum decimum octavum diem iulii dicto anno quadragesimo nono eat ad presens sine die et quod manus regis de terra et prato predictis ammoveantur et quod eadem terra et pratum cum pertinentiis una cum exitibus inde a supradicto decimo octavo die iulii dicto anno quadragesimo nono perceptis eidem priori qui nunc est liberentur pretextu premissorum salva semper accione regis sicut alias inde loqui voluerit