Charter Document - 00870015

Inquisicio capta fuit apud Chingeford coram H[umfrido] de Waleden et Alano de Goldyngham super articulis supra contentis die lune proxima post quindenam Pasche anno regni regis Edwardi filii regis Edwardi secundo per Vincencium de Hertford et alios iuratores qui dicunt super sacramentum suum quod predicti fratres milicie Templi habuerunt ad festum Natalis Domini anno regni regis predicti primo in villa de Chyngeford predicta quoddam mesuagium capitale unde aysiamenta domorum necessariarum pro manerio cum fructu et herbagio gardini et curtilagio eiusdem valet per annum sex solidos et octo denarios Item dicunt quod sunt ibidem in dominico de terra lucrabili per perticam sexdecim pedum et dimidium cccx acre et valet qualibet acra per annum iv d Item dicunt quod sunt ibidem de prato falcabili et seperabili xxxiv acre et dimidia de quibus septem acre iacent in Enefeud in comitatu Midd[lesexe] et valet qualibet acra per annum iv s Item dicunt quod sunt ibidem xxiii acre prati et est pastura inde communis inter gulam augusti et annunciacionem beate Marie et de quibus octo acre iacent in Edelmeton in comitatu Midd[lesexe] et valet qualibet acra per annum iii s viii d Item dicunt quod sunt ibidem de pastura seperali xxv acras et valet qualibet acra per annum iii s Item dicunt quod est ibidem unus boscus disclusus continens c acras infra bundas foreste unde pastura est communis nec est pannagium in eodem eo quod non sunt ibi quercus nec est subboscus ideo non extenditur Item est ibi quedam grava continens i acram et dimidiam unde commoditas valet per annum xii d Item dicunt quod est ibi quoddam molendinum aquaticum quod valet per annum lx s Item dicunt quod piscaria stagni molendini valet per annum v s Item dicunt quod perquisit[io] curi[e] val[et] per annum xx s Summa usque huc viginti tres libras tresdecim solidos et quatuor denarios Item dicunt quod sunt ibi de redditu assise tam liberorum quam custumariorum viii li vii s ix d ob[] solvenda ad quatuor anni terminos videlicet ad festum Natalis Domini xli s iii d ob[] ad Pascha xli s iv d qua[] ad nativitatem sancti Iohannis Baptiste xlii s ix d ob[olus] et ad festum sancti Michaelis xlii s iv d qua[] Item sunt ibidem de redditu assise ad Natalem Domini iii galline que valent iv d ob[] Item dicunt quod sunt ibidem de redditu ad Pascha ccclxvii ova et di[midia] precio civ d Summa viii li ix s iv d ob[] Item sunt ibidem xxxvi custumarii qui tenent xi virgatas terre et terciam partem unius virgate terre quorum quilibet debet arrare cum quanto iungit per unum diem ad seminem yemale et ad seminem quadrag[esimale] per unum diem Ita quod habeat utroque die panem et caseum ad unum repastum vel obolum et quadrantem Item debet arrare cum quanto iungit per unum diem ad seminem yemale et ad seminem quadr[agesimale] per unum diem Ita quod ipse cum uno pari suo habeat v [] utroque die i repastum videlicet ad iantaculum panem cerviciam et caseum et ad prandium panem cerviciam duo fercula et caseum et si nichil iungerit tunc inveniet unum hominem cum tribula et besca et faciet sulcos aquaticos vel claudet hayas per eosdem dies pro illis arur[is] et valet opus per diem obolum Item de predictis xxxvi custumariis sunt xxxii quorum quilibet herciabit per duos dimidios dies in quadr[agesima] Ita quod habeat utroque die duas manipul[atas] avene et valet quodlibet opus per diem i d ob[] et quilibet predictorum xxxii custumariorum mundabit in stagno molendini per duos dies inter Pent[ecostem] et nativitatem beati Iohannis Baptiste ad cibum domini bis per diem et nisi necesse fuerit stagnum predictum mundare nichil dabunt pro consuetudine illa ideo non extenditur Item sunt ibidem xxxiii custumarii de predictis xxxvi custumariis qui invenient xlix homines pro feno prati de Eye levando per unum diem precio operis i d Item predicti xxxii custumarii cariabunt totum fenum de prato vocato le Eye usque manerium cum auxilio duarum carectarum manerii ad cibum domini ter per diem vel usque ad ripam et ibi facient in mullones sine cibo precio operis i d Item de predictis xxxvi custumariis sunt xxii custumarii qui tenent x virgatas terre et dimidiam et debent facere pro qualibet virgata inter festum nativitatis beati Iohannis Baptiste et festum sancti Michaelis xxvi opera Ita quod debent falcare unam acram prati et fenum inde levare pro quatuor operibus vel metere et ligare unam acram frumenti vel avene de terra non compostata pro tribus operibus vel unam acram frumenti compostatam vel unam acram siliginis ordei pisi vel fabarum pro tribus operibus precio operis i d ob[] Et est summa operum cclxxiii que valent xxxiv s i d ob[] Item quilibet predictorum xxxii custumariorum faciet unam precariam siccam in autumpno ad cibum domini bis per diem ita quod quilibet cum peri suo habeat ad horam novam panem et unum ferculum carnis vel piscis vel lactis cum casio et in sero quilibet habebit unum panem precio obolum et duo allecias vel caseum precio quadrans et valet precaria i d qua[] Item dicunt quod predicti xxvii custumarii tenentes decem virgatas terre et dimidiam invenient pro qualibet virgata quatuor homines ad unam precariam autumpni que vocatur alebederep ita quod duo homines habeant ad [horam] novam panem potum et unum ferculum carnis vel piscis et caseum et in sero panem et cerviciam duo fercula et caseum Et sunt ibi novem alii tenentes qui invenient xiii homines ad predictam precariam et percipient de domino cibum et potum in forma predicta et quilibet de xxxvi custumariis inveniet unum hominem ad precariam vocatam lovebederep et habebit cibum et potum sufficientes ter per diem et quodlibet opus valet unum denarium et quilibet predictorum xxxii custumariorum cariabit bladum in autumpno per unum diem si habeat carectam et equos et si non inveniet unum hominem ad metendum per unum diem ad cibum et potum domini sufficientes ter per diem precio cuiuslibet operis i d Summa lxviii s iv d ob[] Summa totalis extente xxxvi li xi s i d Et predicti iuratores dicunt quod predicti fratres milicie Templi adquisierunt in feodo totum manerium predictum de domino David comite de Asseles et de domina Isabella de Dovor uxore sua quod quidem manerium fuit de hereditate ipsius Isabelle tenend eisdem fratribus et successoribus suis pro xl libras singulis annis inde reddendum ad duos terminos anni videlicet ad Pascha et ad festum sancti Michaelis per equales porciones Item dicunt quod predicti fratres reddere solebant per annum x denarios de wardpenis ad festum Pent[ecostem] ad dimidium hundredum de Waltham Et est summa resumpcionis xl li x d Et sic valet dictum manerium minus on[er]is lxix s ix d Item dicunt quod manerium debet tres adventus per annum ad dimidium hundredum de Waltham Et dicunt quod dictum manerium modo est in custodia Iohannis de Shaddeworth qualiter et quo modo ignorant Et dicunt quod idem manerium tenetur in capite de domino rege in sokagio Item predicti iuratores dicunt quod predicti fratres tenuerunt ecclesiam de Chindeford in propriosusus ad festum Natalis Domini anno regni regis Edwardi primo de qua vicarius loci percipit per annum iv quarteros frumenti et iv quarteros avene et minutas decimas et archidiaconus loci v s de procreat[ionibus] per annum et duos solidos de redditu per annum Et paroch[iani] ad Pascha i bussellam frumenti et invenient unam lampidem ardentem in cancell[ariam] ecclesie predicte per annum que potest sustentari quolibet anno pro xii d Et valet dicta ecclesia per annum preter reprisam xvii marcas Dicunt predicti iuratores quod nulla cantaria seu elemosina ibidem fuerunt constituti et quod nemini tenebantur die predicta in aliqua sustentatione diurna nec in aliquo alio certo de predicto manerio et ecclesia percipiendo Et predicti iuratores dicunt quod predicti fratres habuerunt ibidem ad festum Natalis Domini predictum i mesuagium cum gardino quod valet per annum duos solidos Item habuerunt ibidem iv acras terre arabilis que valent per annum xvi d et unam acram pasture que valet per annum ii s Item est ibidem unum molendinum aquaticum quod est districtum nec molavit per quinque annos elapsos et ideo non extenditur Summa tocius valoris v s iv d Et predicti iuratores dicunt quod predicta tenementa in Leyton tenentur in capite de domino Willelmo de Bumstede de dono antecessorum eiusdem Willelmi in puram et perpetuam elemosinam In cuius rei []