Charter Document - 00860078
| Charter Number: | 00860078 |
|---|---|
| Cartulary Title: | The Cartulary of St. Michael's Mount |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1233 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens carta peruenerit Galfridus de Dunhanuilla dominus de Tyedui salutem in uero salutari Nouerit vniuersitas uestra me pro salute anime mee et pro salute antecessorum meorum dedisse et concessisse deo et beate Marie et ecclesie montis sancti Michaelis in Cornubia et monachis ibidem deo seruientibus decem solidos in puram et perpetuam elemosinam liberam de omni seculari seruicio et exaccione loco decem solidorum quos antecessores mei pro redempcione animarum suarum predicte ecclesie instituerunt reddere videlicet asigno de manerio meo de Tyedyu quatuor solidos soluendos in festo sancti Michaelis predicte per liberacionem meam vel heredum meorum vel per liberacionem senescalli mei manerij quicumque fuerit quicquid de redditu meo contigerit Et sex solidos assigno priori et monachis predicti montis percipidendos de Benedicto le brun et heredibus suis de redditu quem predictus Benedictus le Brun et antecessores sui mihi et antecessoribus meis de terra de Boskene reddere consueuerunt in duobus terminis anni videlicet in festo sancti Jacoby tres solidos in festo sancti Michaelis tres solidos Concessi eciam predicto priori et monachis quod si predictus Benedictus le Brun vel heredes sui in solucione predictorum sex solidorum in predictis terminis defecerit quod supradictus prior vel balliui sui per eum distringant prenominatum Benedictum le Brun uel heredes suos per namia sua predicte terre ad plenariam solucionem faciendam Et vt hec mea donacio predicto priori seu monachis et sancto loco facta rata et stabilis et inconcussa inperpetuum permaneat hanc presentem cartam sigilli mei inpressione roboraui Hiis testibus domino S domino de Brackeleg[] tunc vicecomite Cornub[] Rogero de Antrenon Odone Paruo Radulfo de Kaul Willelmo de Penpons Benedicto le Brun Philippo de Glewyns Bald[] Mansel et aliis
Source (click image below to view full size)
