Charter Document - 00860001
| Charter Number: | 00860001 |
|---|---|
| Cartulary Title: | The Cartulary of St. Michael's Mount |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1080 - 1087 |
| Date type: | Assigned |
| Resource Link(s): |
Reference Document for this Embedded Document |
Charter:
In nomine sancte et indiuidue trinitatis patris et filij et spiritus sancti amen Ego Robertus dei gracia Moretonij comes igne diuini amoris succensus notifico omnibus sancte matris ecclesie filiis habens in bello sancti Michaelis vexillum quoniam pro anime mee salute atque mee coniugis seu pro salute prosperitate incolumitate Willelmi gloriosissimi regis atque pro adipiscendo vite eterne premio do et concedo montem sancti Michaelis de Cornubia deo et monachis ecclesie sancti Michaelis de periculo maris seruientibus cum dimidia terre hyda ita solam et quietam ac liberam vt ego teneo ab omnibus consuetudinibus querelis placitis et constituo eciam vt ipsi monachi concedente domino meo rege Willelmo ibidem mercatum die quinte ferie habeant Postea autem vt certissime comperi beati Michaelis meritis monachorumque suffragiis michi a deo ex propria coniuge mea filio concesso auxi donum ipsi beato milicie celestis principi dedi et dono in Manaeth iij acras terre Traarabot videlicet Lismanoech Trequauers Carmelel annuntiante piissimo ac domino meo Willelmo rege Matilde regina atque nobilibus illorum filiis Roberto comite Willelmo Rufo Henrico adhuc puero ita quietam ac liberam de omnibus placitis querelis atque fore factis vt de nulla re regis iusticie monachi respondebunt nisi de solo homicida Hanc autem donacionem feci ego Robertus comes Moretonij quam concesserunt gloriosus rex Anglorum Willelmus atque regina et filij eorum sub testimonio istorum Signum Willelmi regis signum Matildis regine signum Roberti comitis signum Willelmi Rufi filij regis signum Henrici pueri signum Roberti comitis Moretonii signum Matildis comitisse signum Willelmi filij eorum signum Willelmi filij Osberni signum Rogeri de Monte Gumerij signum Turstini vicecomitis signum Gaurini signum Ricardi Turulfi filij