Charter Document - 00840174
| Charter Number: | 00840174 |
|---|---|
| Cartulary Title: | The Coucher Book of Selby |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1259 |
| Date type: | Internal, Feast, Regnal |
| Resource Link(s): |
|
Charter:
Anno regni Regis Henrici filii Regis Johannis quadragesimo quarto die Jovis proxima ante festum Natalis Domini ejusdem anni convenit inter Thomam Abbatem et Conventum de Seleby et Adam filium Roberti de Wicstowe in hunc modum videlicet quod predictus Adam pro se et heredibus suis Deo et ecclesie Sancti Germani de Seleby et predictis Abbati et Conventui ejusdem loci et eorum successoribus remisit concessit et quietum clamavit totum jus et clameum et rectum quod habuit vel habere potuit in duabus acris terre quas Willelmus de ecclesia tenuit aliquando jacentibus extra Stainer Ker ad omnem comodum et voluntatem suam inde faciendum inperpetuum Memorati vero Abbas et Conventus pro se et successoribus suis in escambium pro predictis duabus acris terre totum jus et clameum et rectum quod habuerunt vel habere potuerunt in duabus acris quarum una jacet in Marescalridding quam Walterus de Scotton aliquando tenuit et altera jacet in Gamel riding juxta terram Ricardi Turnegos dicto Ade et heredibus suis remiserunt concesserunt et quietum clamaverunt inperpetuum salvo dictis religiosis annuo reditu quatuor denariorum pro predictis duabus acris terre ut autem hec terrarum predictaum mutuatio firma et stabilis inperpetuum permaneat Abbas ejusdem loci parti hujus scripti dicto Ade tradite sigillum Suum apposuit et alteri parti dictis religiosis tradite idem Adam sigillum suum apposuit Hiis testibus Johanne patre domini Thome Abbatis de Seleby []
Source (click image below to view full size)
